For Quick Alerts
ALLOW NOTIFICATIONS  
For Daily Alerts

    శాండీ తుఫాన్ లో ఆర్తి అగర్వాల్

    By Srikanya
    |
    హైదరాబాద్: అమెరికాలో శాండీ తుపాను బీభత్సం సృష్టిస్తున్న సంగతి తెలిసిందే. న్యూజెర్సీతో పాటు.. న్యూయార్క్‌, వాషింగ్టన్‌, ఫిలడెల్ఫియా రాష్ట్రాలు ఈ భీకర తుఫాన్ దెబ్బకు కుదేలయ్యాయి. న్యూయార్క్‌ సిటీ సగానికి పైగా నీటమునిగింది. కుండపోత వర్షాలతోపాటు.. ఎగసిపడుతున్న భారీ అలల కారణంగా.. సబ్‌వేలలోకి సైతం నీరు చేరింది. వీధులు చెరువులను తలపిస్తున్నాయి. ప్రజలంతా ప్రాణభయంతో బిక్కు బిక్కు మంటూ కాలం గడుపుతున్నారు.

    ఈ నేపధ్యంలో మన తెలుగు హీరోయిన్ ఆర్తి అగర్వాల్ ..శాండి తుఫానులో చిక్కుకుందనే వార్త అబిమానులను కలవరపెడుతోంది. అయితే శాండీ ఎఫెక్టు తో ఆర్తికి పెద్దగా నష్టమేమీ జరగలేదని సమాచారం. ఆమె బస చేస్తున్న మోటల్ తుఫాను తాడికికి చిక్కుకుంది. అక్కడ నుంచి అమెరికా పోలీసులు ఆర్తిని ఖాళీ చేయించారు. ముందస్తు జాగ్రత్త చర్యల్లో భాగంగా..ప్రస్తుతం ఆమెను అమెరికా న్యూ జర్శీలో గల ఓ సీనియర్ సిటిజన్ షెల్టర్ లో ఆశ్రయం పొందుతోంది.

    అమెరికాపై ఏ హరికేన్‌ విరుచుకుపడనంత బలంగా శాండీ అగ్రరాజ్యాన్ని అతలాకుతలం చేస్తోంది. అట్లాంటిక్‌ సిటీ దగ్గర ఈ తుఫాన్ తీరాన్ని తాకింది. శాండీ ప్రభావిత ప్రాంతాల్లో సుమారు 22లక్షల ఇళ్లకు విద్యుత్ సరఫరా నిలిచిపోయింది. న్యూయార్క్ లోని సబ్ వేలలో భారీగా వరద నీరు చేరింది. ఇప్పటి వరకు 12వేల విమాన సర్వీసులు రద్దు చేశారు. సుమారు 5 కోట్ల మంది అమెరికన్లను శాండీ కష్టాల్లోని నెట్టేసింది. తుఫాన్ ప్రభావిత ప్రాంతాల్లో సహాయక చర్యలు ముమ్మరంగా కొనసాగుతున్నాయి.

    ఒకప్పుడు చిరంజీవి, వెంకటేష్ లాంటి అగ్రహీరోలతో అవకాశాలు దక్కించుకున్న హీరోయిన్ ఆర్తి అగర్వాల్...ఆ తర్వాత ఫామ్ కోల్పోయిన పెళ్లి చేసుకుని కొంత కాలం సినిమాలకు దూరమైన సంగతి తెలిసిందే. అమెరికాలో భర్తతో ఇమడలేక మళ్లీ సినిమాల్లో నటించడానికి తిరిగి ఇండియాకు వచ్చిన ఆమెకు అంతగా కలిసి రాలేదనే చెప్పాలి. ప్రస్తుతం ఆమె అమ్మరాజశేఖర్ దర్శకత్వంలో 'ముద్ర' అనే చిత్రంలో నటిస్తోంది.
    ఈ చిత్రంలో ఆర్తి అగర్వాల్ రికార్డింగ్ డాన్స్ ట్రూప్ ఓనర్ పాత్రలో నటిస్తోందని, అమ్మాయిలతో రికార్డింగ్ డాన్స్‌లు చేయించే ఆంటీలా కనిపించనుందని తెలుస్తోంది. ఈ చిత్రం షూటింగ్ చాలా కాలం క్రితమే ప్రారంభం అయినా ఇప్పటి వరకు పూర్తి కాలేదు.

    English summary
    
 Aarti Agarwal was staying in a Motel at New Jersey when the Sandy hurricane hit the city. As the situation worsened, the police have evacuated the public from the motel and currently the actress along with few others is at a senior citizens residence, says sources.
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more