వెంకీ తో ఆర్తి అదరహో

By Staff

Published: Thursday, March 12, 2026, 9:49 [IST]

అందాల ప్రదర్శనలో భాలీవుడ్ భామ ఆర్తి ఛాబ్రియా పాపం ఎప్పుడూ వెనకాడలేదు. కాని..దురదృష్టవశాత్తు పెద్దగా అవకాశాలే సంపాదించలేక పోయింది. తెలుగులో తొలి సినిమా దర్శకుడు రసూల్ ఎల్లోర్ రూపొందించిన 'ఒకరికి ఒకరు'. అందులో కొంచెం క్లాస్ లుక్ తోనే కనిపిస్తుంది. దాంతో అదే కొంప ముంచిందని తరువాత 'ఇంట్లో శ్రీమతి...వీధిలో కుమారి' సినిమా పాటల్లో కొద్దిగా బట్టలు రిలాక్స్ చేసింది. ఇలాంటివి ఎన్నో చూసాం నువ్వు ఇప్పుడు కోత్తగా వచ్చి చూపేదేముంది అన్నట్లు ప్రేక్షకులు ఆ చిత్రాన్ని తిరగకొట్టారు. తప్పని స్ధితిలో బాలీవుడ్ కి తరిలిపోయింది. మళ్ళీ కొంత కాలం బ్రేక్ తీసుకుని గత ఏడాది నరేష్ సినిమా 'గోపి' లో నెగటివ్ పాత్రలో కనిపించింది.కాని అదీ కెరీర్ ని అంగుళం కూడా కదపలేదు.

దాంతో మిగతా ఫేడవుట్ హీరోయిన్లందరి లాగే ఆమె ఐటమ్ సాంగ్స్ రెడీ అంది. తాజాగా 'చింతకాయల రవి' సినిమాలో ఆర్తి ఒక ఐటమ్ సాంగ్‌ అవకాశం పట్టింది. అందులో ఆమె చాలా హాట్ గా కనిపించబోతోందిట. అదీ అదరకొట్టే రేంజిలోట. ఆ పాటలో ఆమె కురుచ దుస్తుల్లో బాగా ఎక్స్‌పోజ్ చేసిందని తెలుస్తోంది. ఆమె ఎదభాగం బహిర్గతమయ్యే రీతిలో కాస్ట్యూమ్స్ ధరించి ఈ పాటకి నర్తించిందట. దాంతో తప్పకుండా ఈ పాట సినిమాలో స్పెషల్ ఎట్రాక్షన్ అవుతుందనీ యూనిట్ వర్గాలు భావిస్తున్నాయి. రొమాంటిక్ కామెడీగా దర్శకుడు యోగి రూపొందిస్తున్న చింతకాయల రవి చిత్రంలో వెంకటేష్ సరసన అనుష్క, మమతా మోహన్‌దాస్ హీరోయిన్లుగా నటిస్తున్నారు. నల్లమలుపు శ్రీనివాస్ నిర్మిస్తున్నారు.

More from Filmibeat