హోమ్

న్యూస్

సునీల్‌, ఆర్తి అగర్వాల్‌ జంటగా మెగా సూపర్‌గుడ్‌ ఫిలిమ్స్‌ పతాకంపై ఎన్‌.వి. ప్రసాద్‌, పారస్‌ జైన్‌ నిర్మిస్తున్న అందాల రాముడు సినిమా రీ-రికార్డింగ్‌ ప్రస్తుతం జరుగుతోంది. ఈ విషయాన్ని చిత్ర సమర్పకులు ఆర్‌.బి. చౌదరి తెలియచేస్తూ, "పాటలతో సహా సినిమా మొత్తం పూర్తయింది. ఆదిత్య మ్యూజిక్‌ ద్వారా పాటల ఆడియో క్యాసెట్‌ను ఈ నెల ఇరవై ఒకటో తేదీ మార్కెట్‌లో విడుదల చేయబోతున్నాం. మా బ్యానర్‌లో అనేక విజయవంతమైన చిత్రాలకు సంగీతాన్ని అందించిన ఎస్‌. ఎ. రాజ్‌కుమార్‌ ఈ సినిమాకూ వినసొంపైన బాణీలను అందిం చారు. ఈ సినిమా కూడా తప్పకుండా మ్యూజికల్‌ హిట్‌ అవుతుందనే నమ్మకం ఉంది అని చెప్పారు. ఆద్యంతం వినోదాత్మకంగా సాగే ఈ చిత్రాన్ని ఆగస్ట్‌ 11వ తేదీ విడుదల చేయబోతున్నామని ఎగ్జిక్యూటివ్‌ ప్రొడ్యూసర్‌ వాకాడ అప్పారావు తెలిపారు. ఈ సినిమా ద్వారా దర్శకునిగా పరిచయం అవుతున్న పి. లక్ష్మీ నారాయణ (దీప్తి) చాలా బాగా కథను తెరకెక్కించారని, ఇటీవల కేరళలో చిత్రీకరించిన పాటలు కూడా కన్నుల విందుగా ఉంటాయని చెప్పారు.

మరిన్నికథనాలు