కొత్త సినిమాలపై అప్‌డేట్.. అది పెద్ద విషయం కాదు.. అభిజిత్ సెన్సేషనల్ కామెంట్స్

మొదటగా సోహెల్..

బిగ్ బాస్ నుంచి బయటకు వచ్చిన తరువాత సోహెల్ కథ నిజంగా వేరేఉంది. 25 లక్షలు తీసుకుని ఆట తీరునే మార్చేశాడు. అలా తీసుకోవడం కొందరు కరెక్ట్ అని ఇంకొందరు తప్పని ఇలా రకరకాలుగా మాట్లాడారు. కానీ చివరకు సోహెల్‌కు మాత్రం మంచే జరిగింది. ఇదే కాకుండా అందరి కంటే ముందు సినిమాను ప్రకటించి సత్తా చాటాడు.

అభిజిత్ కూడా..

అయితే హీరోగా వెండితెరపై ఎంట్రీ ఇచ్చేందుకు సోహెల్ ఎంత ఆత్రుతగా ఉన్నాడో.. సరైన స్క్రిప్ట్ కోసం, సరైన సినిమాతో సెకండ్ ఇన్నింగ్స్ మొదలుపెట్టాలని అభిజిత్ అంతే ఆసక్తిగా ఎదురుచూస్తున్నాడు. అందుకోసమే అభిజిత్ తన పూర్తి సమయాన్ని స్క్రిప్ట్‌లు వినడానికి కేటాయించాడట. చాలా ఆఫర్లు వస్తున్నాయని అయితే సరైన కథ కోసం ఎదురుచూస్తున్నాని అభిజిత్ ఇది వరకే చెప్పేశాడు.

కేజీయఫ్ చాప్టర్ 2 టీజర్.. అదిరిపోయే షాట్స్ ఇవే

తాజాగా అలా..

తాజాగా అభిజిత్ లైవ్‌లొకి వచ్చాడు. తన అభిమానులు పదే పదే ఫ్యూచర్ ప్రాజెక్ట్‌లపై ప్రశ్నలు అడుగుతుండటంతో క్లారిటీ ఇచ్చాడు. కథలు వింటున్నాను.. కొన్ని స్క్రిప్ట్‌లు నచ్చాయ్.. కానీ డైలాగ్స్ మళ్లీ రాయాలని అనిపించింది.. అదే చెప్పాను.. ఒక్కో రైటర్ ఒక్కోలా రాస్తుంటారు.. టైం పడుతుందని అభిజిత్ చెప్పుకొచ్చాడు.

మూడు ఆప్షన్స్‌లు..

ట్రెండీగా వెరైటీగా ఉండే చిత్రం చేయాలా? రొమాన్స్ కామెడీ చిత్రం చేయాలా? లేదా అవుట్ అండ్ అవుట్ పక్కా తెలుగు కమర్షియల్ మూవీ చేయాలా? అని తన ఫ్యాన్స్‌ను అడిగాడు. మూడు చేసే ప్లాన్ ఉంది కానీ మొదటగా ఏది చేయాలో అర్థం కావడం లేదన్నాడు. సినిమా అనౌన్స్ చేయడం పెద్ద విషయం కాదు..కానీ సరైన సినిమాను చేయాలని అభిజిత్ చెప్పుకొచ్చాడు.