అభిషేక్, ఐశ్వర్య వీడియో ఆధారంగా కథనం.. ఘాటైన కౌంటర్!

ఐశ్వర్య రాయ్, అభిషేక్ బచ్చన్ ఎప్పటికీ క్రేజీ కపుల్సే. వీరి గురించి వార్త ఏదైనా సరే బాలీవుడ్ మీడియాలో వైరల్ అయిపోతుంది. తాజగా ఓ బాలీవుడ్ మీడియా సంస్థ అభిషేక్, ఐశ్వర్య మధ్య గొడవ జరిగిందంటూ కథనాన్ని ప్రచురించింది. దీనిపై అభిషేక్ తీవ్రంగా స్పందించాడు.

ఇలాంటి అసత్య వార్తలని ప్రచారం చేయడం మానండి. ఎవరికైనా ఈ తప్పుడు వార్తలు ఉపయోగం అనుకుంటే ప్రచురించండి. అంతేకాని ప్రజలని ఆకర్షించడం కోసం ఎప్పుడూ ఎలాంటి అసత్యాలు రాయవద్దు అంటూ అభిషేక్ ఘాటుగా సదరు సంస్థకు కౌంటర్ వేశాడు.

ఇటీవల తమ కుమార్తె ఆరాధ్య తో కలసి ఐశ్వర్య, అభిషేక్ ఎయిర్ పోర్ట్ లో వెళుతుండగా ఓ సంఘటన జరిగింది. అభిషేక్ తన కుమార్తె ఆరాధ్య చేయి పట్టుకునేందుకు ప్రయత్నించాడు. కానీ ఆరాధ్య తన తల్లి ఐశ్వర్య చేయి పట్టుకుంది. ఆ సమయంలో ఐశ్వర్య, అభిషేక్ ఎదో మాట్లాడుకుంటూ కనిపించారు. అభిషేక్ కాస్త కోపంగా కనిపించడంతో వారి మధ్య గొడవ జరిగినట్లు రూమర్స్ మొదలయ్యాయి.