ఐశ్వర్యరాయ్ సినిమా షూటింగ్‌లో ప్రమాదం.. ఒకరికి తీవ్ర గాయాలు

రోడ్డుపై షూటింగ్..

ఫన్నేఖాన్ షూటింగ్‌లో రోడ్డుపై ఓ సీనును చిత్రీకరిస్తున్నారు. ఆ సమయంలో వేగంగా దూసుకొచ్చిన ఓ బైక్ ఈ చిత్రానికి పనిచేస్తున్న మూడో అసిస్టెంట్ డైరెక్టర్‌ను బలంగా ఢీకొట్టింది. దాంతో ఆమెకు తీవ్ర గాయాలు అయ్యాయి.

అసిస్టెంట్ డైరెక్టర్‌కు గాయాలు

ప్రమాదం జరిగిన సమయంలో మహిళా అసిస్టెంట్ డైరెక్టర్ వాకీ టాకీకి కనెక్ట్ చేసిన హెడ్‌ఫోన్స్ పెట్టుకొన్నట్టు సమాచారం. వాటి కారణంగా బైక్ వచ్చే శబ్దం వినిపించకపోవడంతో ప్రమాదం చోచుచేసుకొన్నది. వెంటనే సమీప హాస్పిటల్‌కు తరలించి చికిత్సను అందిస్తున్నాం అని చిత్ర యూనిట్ వెల్లడించారు.

హుటాహుటిన ఐశ్వర్యరాయ్

రోడ్డు ప్రమాదంలో అసిస్టెంట్ డైరెక్టర్ గాయపడిందనే సమాచారం తెలుసుకొన్న ఐశ్వర్యరాయ్ హుటాహుటిన ప్రమాదస్థలికి చేరుకొన్నారు. అయితే అక్కడ జనసమూహం ఎక్కువగా ఉండటంతో ఐశ్వర్యను తన భద్రతా సిబ్బంది వెనుకకు తీసుకెళ్లినట్టు తెలుస్తున్నది.

డచ్‌ చిత్రానికి రీమేక్‌గా ఫన్నేఖాన్

2000 సంవత్సరంలో విడుదలైన డచ్ చిత్రం ఎవ్రీబడీ ఫేమస్ అనే చిత్రానికి ఫన్నేఖాన్ సినిమా రీమేక్. అయితే బాలీవుడ్ చిత్రాలకు సరిపడే విధంగా కథలో అనేక మార్పులు చేపట్టినట్టు సమాచారం. ఈ చిత్రంలో ఐశ్వర్యరాయ్‌తో యువహీరో రాజ్‌కుమార్ రావు రొమాన్స్ చేయనున్నారు. ఈ చిత్రంలో అనిల్ కపూర్ కూడా ప్రధాన పాత్ర పోషిస్తున్నారు. తాళ్ చిత్రం తర్వాత దాదాపు 18 గ్యాప్ తర్వాత ఐశ్వర్య రాయ్, అనిల్ కలిసి నటించడం ఇదే తొలిసారి.