Don't Miss!
- Technology యూట్యూబ్కు పోటీగా TV యాప్.. ఫీచర్లు, అల్గారిథమ్ పైన X సీఈవో ఏమన్నారంటే.. ?
- Lifestyle టాక్సిక్ రిలేషన్షిప్లో ఉన్నారనడానికి ఇవే సంకేతాలు.. ?
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
మహేష్, సుకమార్ మూవీ ‘ఆచార్య’ టైటిల్పై.... నిర్మాతల ఖండన
హైదరాబాద్: టాలీవుడ్ సూపర్ స్టార్ మహేష్ బాబు, దర్శకుడు సుకుమార్ దర్శకత్వంలో రూపొందుతున్న చిత్రానికి 'ఆచార్య' అనే టైటిల్ పెడుతున్నట్లు వార్తలు వినిపిస్తున్న సంగతి తెలిసిందే. అయితే ఈ చిత్ర నిర్మాతలు ఈ వార్తను ఖండించారు. 'ఆచార్య' అనే టైటిల్ పెడుతున్నట్లు వచ్చిన వార్తల్లో నిజం లేదన్నారు. త్వరలోనే టైటిల్ ఖరారు చేసి ప్రకటిస్తామని తెలిపారు.
టైటిల్ విషయంలో చాలా జాగ్రత్తలు తీసుకుంటున్నామని, టైటిల్ చాలా క్యాచీగా...త్వరగా జనాల్లోకి చొచ్చుకెళ్లేలా..... పవర్ ఫుల్ గా ఉండే దాని కోసం అణ్వేషిస్తున్నామని, త్వరలోనే టైటిల్ ఖరారు చేసి మీడియా ముఖంగా ప్రకటన చేస్తామని చిత్ర నిర్మాతలు అంటున్నారు.
ప్రస్తుతం ఈచిత్రం షూటింగ్ గోవాలో జరుగుతోంది. ఇటీవలే మహేష్-క్రితి సానన్ లపై సాంగ్ చిత్రీకరించారు. మహేష్తో 'దూకుడు' చిత్రాన్ని నిర్మించిన 14రీల్స్ సంస్థ ఈ చిత్రాన్ని నిర్మిస్తోంది. రొమాంటిక్ చిత్రాల దర్శకుడిగా గుర్తింపుపొందిన సుకుమార్ దర్శకత్వంలో మహేష్ బాబు తొలిసారిగా నటిస్తుండటంతో ఈ చిత్రం ప్రేక్షకుల్లో ఆసక్తిని క్రియేట్ చేస్తోంది.
మహేష్ బాబు అభిమానులు కోరుకునే కమర్షియల్ అంశాలతో పాటు, సుకుమార్ సినిమాలోని ప్రత్యేక అంశాలను కలగలిపి ఈ చిత్రాన్ని తెరకెక్కిస్తున్నారు. అదే విధంగా మహేష్ బాబు గత చిత్రకంటే భిన్నమైన లుక్ తో ఈచిత్రంలో కనిపించనున్నారు. ప్రస్తుతం టాలీవుడ్లో ఉన్న హీరోలందరిలో అందగాడిగా పేరున్న మహేష్ ఈచిత్రంలో తన న్యూ లుక్తో ప్రేక్షకుల మతి పోగొట్టనున్నాడు.
ఈ చిత్రంలో షాయాజీ షిండే, కిల్లి దోర్జీ, విక్రమ్ సింగ్, శ్రీనివాస్ రెడ్డి ఇతర ముఖ్య పాత్రల్లో కనిపించనున్నారు. సాంకేతిక వివరాల్లోకి వెళితే...ఈ చిత్రానినికి సంగీతం: దేవిశ్రీ ప్రసాద్, సినిమాటోగ్రఫీ: ఆర్ రత్నవేలు, స్టూడియో: 14 రీల్స్ ఎంటర్ టైన్మెంట్స్, నిర్మాతలు: రామ్ ఆచంట, గోపీచంద్ ఆచంట, అనిల్ సుంకర, కథ -స్క్రీన్ ప్లు, దర్శకత్వం: సుకుమార్.