For Quick Alerts
    ALLOW NOTIFICATIONS  
    For Daily Alerts

    'జింగా' తెలుగు సినిమా నటుడి అరెస్టు

    By Pratap
    |

    Actor held for cheating youth by promising job
    చెన్నై: జింగా తెలుగు సినిమాలో నటిస్తున్న తమిళ నటుడు ఎస్ పవన్ కుమార్‌ను పోలీసులు గురువారం అరెస్టు చేశారు. విదేశాల్లో ఉద్యోగం ఇప్పిస్తానని చెప్పి ఐదు లక్షల రూపాయలు తీసుకుని ఓ యువకుడిని మోసం చేసినందుకు గాను 28 ఏళ్ల ఆ నటుడిని పోలీసులు అరెస్టు చేశారు.

    అమెరికాలో, యుకెలో తనకు ఉన్న సంబంధాలతో ఉద్యోగం ఇప్పిస్తానని చెప్పి పవన్ కుమార్ ఆయనవరానికి చెందిన ఎం మణికొండన్ అనే యువకుడి నుంచి 2009లో డబ్బులు తీసుకున్నట్లు పోలీసులకు ఫిర్యాదు అందింది. వృత్తిరీత్యా ఇంజనీర్ అయిన పవన్ కుమార్ అతనికి ఉద్యోగం ఇప్పించకపోగా, డబ్బులు కూడా తిరిగి ఇవ్వలేదని ఆరోపణలు వచ్చాయి.

    డబ్బులు అడిగితే బెదిరించినట్లు మణికొండన్ పవన్ కుమార్‌పై సెంట్రల్ క్రైమ్ బ్రాంచ్‌లో ఫిర్యాదు చేశాడు. డ్యాన్స్ మాస్టర్ కుమారుడైన పవన్ కుమార్ సినిమాల్లో చిన్న చిన్న పాత్రలు పోషించాడు. తమిళ సినిమా మూవరెండు ఎఝులో, తెలుగు సినిమా జింగాలో ప్రధాన పాత్రలు చేశాడు. ఈ సినిమాలు ఈ ఏడాది చివరిలోగా విడుదలయ్యే అవకాశాలున్నాయి.

    మిత్రుల ద్వారా పరిచయమైన మణికొండన్‌ను సంప్రదించి పవన్ కుమార్ మోసం చేశాడని దర్యాప్తు అధికారులు అంటున్నారు. పవన్ కుమార్ నాలుగు కోట్ల రూపాయలకు పైగా తన సినిమాల్లో పెట్టాడని, అవి విడుదల కాగానే డబ్బులు ఇచ్చేస్తానని మణికొండన్‌కు చెప్పాడని విచారణలో తేలింది. పవన్ కుమార్‌ను జ్యుడిషియల్ రిమాండ్‌కు తరలించారు.

    English summary
    A 28-year-old actor was arrested on Thursday on charges of cheating a youth of 5 lakh with the promise of a job abroad. Police said S Pavan Kumar, an engineer, took the amount from M Manikandan of Ayanavaram in 2009 saying he would get him a job with the help of his contacts in the US and the UK.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X