రాళ్ల దాడి: కంటి చూపు కోల్పోయే స్థితిలో ప్రముఖ నటుడు!

ప్రమాదకరమైన అటవీ ప్రాంతం

చిత్తోడ్‌గఢ్ అటవీ ప్రాంతం దాదాపు 40 కిలోమీటర్ల మేర విస్తరించి ఉంది. ప్రయాణ సమయంలో జీతూ డ్రైవర్ పక్కన ముందు సీట్లోనే కూర్చున్నాడు. ఉన్నట్టుండి కారుపై రాళ్లు పడటం మొదలవ్వడంతో ప్రమాదాన్ని ఊహించిన డ్రైవర్ ఆపకుండా వేగంగా కారును ముందుకు నడిపించాడు.

కంటికి తీవ్రగాయం

దాదాపు కిలో మీటర్ మేర రాళ్ల దాడి జరిగింది. అందులో ఓ రాయి కారు అద్దాన్ని చీల్చు కుంటూ జీతూ వర్మ కంటికి బలంగా తగిలి తీవ్ర గాయం అయింది. సమీపంలోని టోల్ బూత్ దగ్గర కారును ఆపి పోలీసులకు సమాచారం అందించారు.

గతంలో సంజయ్ లీలా భన్సాలీపై దాడి

గతంలో ఇదే ప్రాంతంలో డైరెక్టర్ సంజయ్ లీలా భన్సాలీపైనా దాడి జరిగింది. ఇపుడు జీతూ వర్మపై కూడా దాడి జరుగడంతో పోలీసులు ఈ విషయాన్ని సీరియస్ గా తీసుకుని ఆ ప్రాంతంలో గస్తీ పెంచారు.

కంటిచూపు పోయే స్థితిలో జీతూ

జీతూ కంటికి ముంబైలోని ప్రముఖ ఆస్పత్రిలో శస్త్రచికిత్స చేశారు. కనుబొమ్మ చిట్లి అక్కడ ఎముక ఫ్రాక్చర్ అయిందని, కనుబొమ్మకు పది కుట్లు పడ్డాయి. గాయం వల్ల కంటిలో రెటీనా పనిచేయట్లేదని, కంటి చూపు పోయే ప్రమాదం ఉందని వైద్యులు చెప్పారు