ఆ అమ్మాయి ఎవరో చెప్పను... హీరో నాని ఇష్యూపై మాధవి లత సమాధానం!

Recommended Video

Actress Madhavi Latha Speaks On Chikago Issue

అప్పటి నుండి టచ్‌లో లేము

‘స్నేహితుడా' సినిమా తర్వాత నాని, నేను అసలు టచ్ లో లేము. ఎప్పుడైనా ఈవెంట్స్‌లో కనిపిస్తే హాయ్, హలో, హౌ ఆర్ యూ అనుకునేవాళ్లం. అపుడు సెట్స్‌లో ఎవరి పని వారు చేసుకునే వాళ్లం. మా ఇద్దరికీ కాంబినేషన్ ఉన్న స్క్రిప్టు ఎక్కువగా ఉండేది. కామెడీ సీన్లు ఎక్కువగా ఉండేది. స్క్రిప్టులో ఇద్దరి ఇన్వాల్మెంట్ ఉండేది. దీంతో డైలాగ్ డెలివరీ ఇలా ఉంటే బావుంటుంది, ఇలా చెబితే బావుంటుంది...అని సలహాలు ఇచ్చేవాడు. ఇద్దరం చాలా జోవియల్ గా ఉండేవారం. అలా అని అటాచ్డ్ కాదు, డిటాచ్డ్ కాదు. అని మాధవి లత తెలిపారు.

చేస్తే చేసుండొచ్చు

ఇటీవల ఇండస్ట్రీలో రేజ్ అయిన కాస్టింగ్ కౌచ్ ఇష్యూలో నానిని కూడా ఇన్వాల్వ్ చేశారు. ఆయన కలిసి మీరు వర్క్ చేశారు కాబట్టి ఆయన ఎలాంటి వారో మీకు తెలిసి ఉంటుంది కదా... అతడిపై వచ్చిన ఆరోపణల్లో నిజం ఉందంటారా? అనే ప్రశ్నకు మాధవి లత స్పందిస్తూ..... ‘స్నేహితుడా' నాకు రెండో సినిమా, తనకూ రెండో సినిమా... కొత్తలో వచ్చినపుడు ఎవరికైనా ఒక భయం అనేది ఉంటుంది. స్టార్ డమ్ పెరుగుతున్న కొద్దీ మేము ఏం చేసినా నడుస్తుంది అనే ఒపీనియన్ కూడా ఉండొచ్చు. చేస్తే చేసుండొచ్చు.... అని మాధవి లత అన్నారు.

2012 నుండి వింటున్నాను

నేను ఈ విషయంలో అమ్మాయిల ద్వారా కొన్ని విన్నాను. నేను వాళ్ల పేర్లు చెప్పను. ఎందుకంటే అందులో కొందరు బాగా తెలిసిన వారు ఉన్నారు. ఇది ఇప్పుడు విన్నది కాదు, 2012 నుండి వింటున్నాను. నేను మొదట ఈ మాట విన్నది ఇప్పటికీ గుర్తుంది. అపుడు నేను చదువుకోవడానికి లండన్ వెళ్లాను. ఇంకొక అమ్మాయికి, నాకు మధ్య ఉన్న కామన్ ఫ్రెండ్ నాకు ఫోన్ చేసి మీ హీరో ఇలా చేశారట, అలా చేశారట అని చెప్పేవారు.

నచ్చకపోతే కొట్టేయ్ అన్నాను

నాకు ఆ విషయం చెప్పగానే ఒకటే అన్నాను... మా హీరో అని నొక్కుతావేంటి? నాకేంటి సంబంధం, అలా చేయడం నచ్చకపోతే వెంటనే చెంప మీద కొట్టమని చెప్పు అన్నాను. కానీ అలా కొట్టలేదు కదా అని కామన్ ఫ్రెండ్ నాతో అన్నాడు. అలాంటపుడు నాకెందుకు చెబుతున్నావు, వదిలేయ్ అన్నాను. ఇలాంటి గాసిప్స్ నాకు చెప్పొద్దు అని చెప్పాను.... అని మాధవి లత గుర్తు చేసుకున్నారు.

సినిమాల్లో అంతా నటనే, నిజ జీవితంలో అలా ఉండరు

సినిమాల్లో హీరోలుగా కనిపిస్తే నిజ జీవితంలో హీరోలు కారు. నిజ జీవితంలో రియల్ హీరోలు చాలా మంది ఉంటారు. వారు మన ఫ్రెండ్ అయి ఉండొచ్చు, మన పక్కింటోళ్లు అయుండొచ్చు. మనం హీరోలను స్క్రీన్ మీద చూసేని వీళ్లు తోపులు, తోపెస్ట్ లు అనుకుంటే కరెక్ట్ కాదు. ఒరిజినల్ బిహేవియర్ వేరేగా ఉంటుంది. స్క్రీన్ మీద కనిపించేది అంతా నటనే. ఈ విషయం అందరూ తెలుసుకోవాలి... అని మాధవి లత అన్నారు.