Don't Miss!
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
నటుడు మహర్షి రాఘవ ఇంట విషాదం.. ఏమైందంటే?
సినీ పరిశ్రమలో వరుస విషాదాల వార్తలు బయటకు వస్తూనే ఉన్నాయి. ఈ మధ్యనే ప్రముఖ హిందీ గాయని లతా మంగేష్కర్ కన్నుమూసిన వార్త మరువక ముందే హిందీ సహా అనేక భాషలలో సినిమాలకు సంగీత దర్శకత్వం వహించిన బప్పి లహరి అనారోగ్య కారణాలతో కన్నుమూశారు. దీంతో ఆయన మృతికి ప్రముఖులు సంతాపం తెలియజేస్తున్నారు. అయితే తెలుగు సినీ పరిశ్రమలో ఒక నటుడి ఇంట తీవ్ర విషాదం చోటు చేసుకుంది. ఆ నటుడు ఎవరు? అసలు ఏమైంది? అనే వివరాల్లోకి వెళితే...
మహర్షి రాఘవ గా మారి
తెనాలికి చెందిన గోగినేని రాఘవ తెలుగు సినిమాల మీద ఆసక్తితో, ఎలా అయినా సినిమాలో నటించాలని ప్రయత్నాలు చేశారు. వంశీ దర్శకత్వంలో వచ్చిన మహర్షి అనే సినిమాలో హీరోగా అవకాశం రావడంతో ఈ అవకాశాన్ని అందిపుచ్చుకొని ఆయన ఆ సినిమాతో సూపర్ హిట్ అందుకున్నారు. దీంతో గోగినేని రాఘవ కాస్త మహర్షి రాఘవ గా మారిపోయారు.
క్యారెక్టర్ ఆర్టిస్ట్ గా
తన మొదటి సినిమా పేరును ఇంటి పేరుగా మార్చుకున్న ఆయన ఆ తర్వాత సినిమాల ఎంపిక విషయంలో జాగ్రత్తలు పాటించ లేక పోవడంతో హీరోగా మాత్రం కొనసాగలేక పోయారు. హీరో గా కొనసాగ లేకపోయినా ఆయన అనేక సినిమాల్లో క్యారెక్టర్ ఆర్టిస్ట్ గా అయితే కొనసాగారు. చిత్రం భళారే విచిత్రం, జంబలకడిపంబ సూర్యవంశం శుభాకాంక్షలు లాంటి అనేక సినిమాల్లో ఆయన నటించారు.
సీరియల్స్ లో కూడా
ఎక్కువగా సినిమాలో హీరో, హీరోయిన్ల అక్క, బావ పాత్రలకు రాఘవ మొదటి ప్రిఫరెన్స్ గా ఉండేవారు. ఆ తర్వాత సీరియల్స్ లో నటించడం మొదలు పెట్టిన ఆయన సీరియల్స్ లో కూడా బిజీ అయ్యారు. తెలుగులో వచ్చిన అన్వేషిత లాంటి సూపర్ హిట్ సీరియల్స్ లో కూడా మహర్షి రాఘవ భాగమయ్యారు. అయితే సీరియల్స్ లో ప్రవేశించిన తర్వాత ఆయన ఎక్కువగా సీరియల్స్ కే పరిమితం కావడంతో సినిమా అవకాశాలు బాగా తగ్గిపోయాయి.
Recommended Video
రాఘవ ఇంట విషాదం
తాజాగా నటుడు మహర్షి రాఘవ ఇంట విషాదం చోటు చేసుకుంది. రాఘవ తల్లి గోగినేని కమలమ్మ బుధవారం మధ్యాహ్నం రెండు గంటల సమయంలో కన్నుమూశారు. ఆమె వయసు 84 సంవత్సరాలు కాగా ఆమెకు ఇద్దరు కుమారులు. ఆమె పెద్ద కుమారుడు రాఘవ సినిమాలు, టీవీ సీరియల్స్ ద్వారా ప్రేక్షకులకు సుపరిచితమే. ఇక రెండో కుమారుడు వెంకట్ అమెరికాలో ఉద్యోగం చేస్తున్నారు. కమలమ్మ మృతి విషయం తెలుసుకుని పలువురు సినీ, టీవీ రంగ ప్రముఖులు రాఘవకు తమ సంతాపం వ్యక్తం చేస్తున్నారు. కమలమ్మ అంత్యక్రియలు గురువారం నాడు జూబిలీహిల్స్ మహాప్రస్థానంలో జరగనున్నాయి.