మనోజ్ పుట్టినరోజు : హడావుడి తగ్గింది, రైతుల కోసమేనా?

హడావుడి వద్దని చెప్పిన మనోజ్

నా ప్రతి బర్త్ డే అభిమానుల మధ్య ఎంతో గొప్పగా జరిగేది. ఈ సారి అందరూ వద్దు, ఫ్లవర్స్, బొకేలు, ఫ్లెక్సీలు వద్దని చెప్పాను. వాటికి ఖర్చు పెట్టే బదులు ఎప్పటికీ గుర్తుండిపోయేలా ఏదైనా సేవా కార్యక్రమాలు చేయమని అభిమానులకు చెప్పినట్లు మనోజ్ తెలిపారు.

రైతుల గురించి లైవ్ లో మాట్లాడతాను

ఈ రోజు ఈ వినింగ్ ఫేస్ బుక్ లైవ్ లో వస్తున్నా, ఓ వీడియో రిలీజ్ చేయబోతున్నాను. ఎన్నో చేస్తున్నాం... అదంతా ఈవినింగ్ మాట్లాడతాను. ముఖ్యంగా రైతుల సమస్య ఇన్నాళ్లు నా మనసును కదిలిస్తోంది. మేము కూడా రైతు ఫ్యామిలీ నుండి వచ్చాం, మా తాత రైతు. ఈ రోజు ఆ విషయం మీద మాట్లాడుదామనుకుంటున్నాను. నేను తీసుకున్న నిర్ణయానికి నన్ను నమ్ముకున్న అభిమానుల దగ్గర నుండి వెల్ విషర్స్ వరకు అంతా సపోర్టు చేస్తారని అనుకుంటున్నాను అని తెలిపారు.

ఆశ్చర్య పరిచిన మనోజ్

సాధారణంగా సినీ స్టార్ల బర్త్ డే వేడుకల్లో రైతుల ప్రస్తావన అసలు ఉండదు, సినిమాలు... అభిమానులు ఇలాంటి విషయాలే ఉంటాయి. అయితే మనోజ్ కొత్తగా రైతుల ప్రస్తావన తేవడంతో అంతా ఆశ్చర్యపోయారు.

ఏం మాట్లడబోతున్నాడు?

మరి రైతుల గురించి మనోజ్ ఏమాట్లాడారు, వారికి ఎలాంటి సర్వీస్ చేయబోతున్నారు అనేది ఈ రోజు సాయంత్ర మంచు మనోజ్ ఫేస్ బుక్ లైవ్ వీడియో చూస్తే తెలుస్తోంది. చూద్దాం మనోజ్ ఏం చేయబోతున్నారో? ఏం మాట్లాడబోతున్నారో?