హోమ్

న్యూస్

హైదరాబాద్: నాగార్జున హోస్టుగా నిర్వహిస్తున్న 'మీలో ఎవరు కోటీశ్వరుడు' 2వ సీజన్ ఈనెల 8 నుంచి ప్రారంభంకాబోతోంది. గత సీజన్లో ఈ షోలో మధ్య మధ్యలో పలువురు స్టార్స్ ఎంట్రీ ఇచ్చి సందడి చేసారు. సెకండ్ సీజన్లో కూడా ఈ సాంప్రదాయం కొనసాగనుంది. టాలీవుడ్ యంగ్ హీరో నితిన్ కూడా ఈ షోలో దర్శనమివ్వబోతున్నారు.

ఇటీవలే నితిన్ పాల్గొన్న కార్యక్రమానికి సంబంధించిన షూటింగ్ కూడా పూర్తయింది. ఈ విషయాన్ని నితిన్ తన ట్విట్టర్లో వెల్లడించారు. "'మీలో ఎవరు కోటీశ్వరుడు' గేమ్ షో నాగార్జునగారితో చిత్రీకరణ పూర్తయింది... చాలా సరదాగా ఉంది!!" అని నితిన్ చెప్పాడు. గత సీజన్లో ‘మీలో ఎవరు కోటీశ్వరుడు' అత్యధిక టీఆర్పీ రేటింగ్ సాధించి సూపర్ హిట్టయింది. ఈ సీజన్లో మరింత మెరుగైన ఫలితాలు వస్తాయని నిర్వాహకులు భావిస్తున్నారు.

ఇక నితిన్ సినిమాల విషయానికొస్తే...ప్రస్తుతం నిటిన్ నటించిన ‘చిన దాన నీకోసం' చిత్రం ఈ నెల 25న విడుదల కాబోతోంది. ఈ చిత్రానికి "అమృతం" ఫేం హర్షవర్థన్ మాటలు అందిస్తున్నాడు. ఇష్క్, గుండె జారి గల్లంతయ్యిందే చిత్రాలలకు సంగీతం అందించిన అనూప్ సంగీతాన్ని అందిస్తున్న ఈ చిత్రాన్ని నితిన్ సోదరి నికితా రెడ్డి నిర్మిస్తున్నారు. నితిన్ సరసన మిష్టి చక్రవర్తి నటిస్తోంది. సాఫ్ట్ లవ్ స్టోరీస్ తో ప్రేక్షకులను మెప్పించే కరుణాకరన్, నితిన్ కాంబినేషన్ లో వస్తున్న ఈ చిత్రం అంచనాలు భారీగానే ఉన్నాయి.

Just fini playing the game show M.E.KOTEESWARUDU with NAGARJUNA garu..was super fun!!

— C.N.KOSAM ON 25 DEC (@actor_nithiin) December 2, 2014