మామిడి కాయలు అమ్మిన ప్రకాష్ రాజ్ కొడుకు.. లాక్‌డౌన్ సమయంలో తండ్రితో..

దేశం నలువైపులా..

కరోనా దెబ్బకు చాలా మంది ఉపాధి కోల్పోయారు. అయితే వారిని ఆదుకోవాల్సిన బాధ్యత అందరిపైన ఉందని ప్రకాష్ రాజ్ వరుస ట్వీట్స్ తో జనాలను ఉత్తేజపరుస్తూ తన దగ్గర లేకపోయినా ఆర్థిక సహాయం చేస్తున్నాడు. దేశం నలువైపులా ప్రకాష్ రాజ్ ఫౌండేషన్ ద్వారా ఆర్థికంగా వెనుకబడిన పేదలకు సాయం చేస్తున్నారు. అలాగే పేద కళాకారులకు కూడా ప్రకాష్ రాజ్ సహాయం అందిస్తున్నారు.

మామిడి తోటలో తనయుడు..

ప్రకాష్ రాజ్ చిన్న కుమారుడు వేదాంత్ కి సంబంధించిన ఒక స్పెషల్ ఫోటోని ప్రకాష్ రాజ్ తన ట్విట్టర్ లో పోస్ట్ చేశారు. మామిడి తోటలో తన కుమారుడు మ్యాంగో సెల్లర్ గా మారాడు అంటూ ఫార్మ్ లో నేచర్ మధ్యలో ఇలా సరదాగా గడుపుతున్నట్లు వివరణ ఇచ్చారు. వేదాంత్ కూల్ గా మామిడి కాయలను ప్యాక్ చేస్తున్నట్లున్న ఆ ఫోటోలో కనిపించడం నెటీజన్స్ ని ఆకట్టుకుంటోంది.

తండ్రికి తగ్గ తనయుడు..

చూస్తుంటే వేదాంత్ కూడా ప్రకాష్ రాజ్ చేస్తున్న సాయంలో తనవంతు కృషిగా డబ్బు ఈ విధంగా కలెక్ట్ చేస్తున్నాడని తెలుస్తోంది. ఒక వైపు డబ్బు లేకపోయినా ప్రకాష్ రాజ్ బ్యాంక్ లోన్ తీసుకొని కరోనా బాధితులకు అండగా ఉండేందుకు కృషి చేస్తున్నారు. అవసరమైతే స్టార్ హీరోల దగ్గర కూడా అప్పులు తీసుకొని సినిమాలు వచ్చిన తరువాత మళ్ళీ వాళ్ళ డబ్బు వాళ్లకు ఇచ్చేస్తానని కూడా అన్నారు.

Recommended Video

Vijay Sethupathi Out From Allu Arjun's Pushpa Movie

ఇప్పుడే హ్యాపీగా ఉంది..

లాక్ డౌన్ కారణంగా షూటింగ్ లకు బ్రేక్ ఇచ్చిన ప్రకాష్ రాజ్ పూర్తిగా తన ఫామ్ హౌజ్ లోనే కుటుంబంతోనే కాలాన్ని గడుపుతున్నారు. అలాగే ప్రకాష్ రాజ్ ఫౌండేషన్ ద్వారా జనాలకు సహాయం అందిస్తూ కాస్త బిజీగా..గడుపుతున్నప్పటికి ఫ్యామిలీకి దగ్గరగా ఉండటం బావుందని ఇటీవల ఇచ్చిన ఇంటర్వ్యూలో తెలిపారు. మెయిన్ గా షూటింగ్ ల కోసం వివిధ ప్రాంతాలకు తిరిగేవాడిని ఇప్పుడు ఒకే చోట ప్రశాంతంగా ఉన్నట్లు వివరణ ఇచ్చారు.