రవితేజ ‘రియాక్ట్’ షార్ట్ ఫిల్మ్.... ప్రతి ఒక్కరినీ కదిలిస్తుంది!

రవితేజ సందేశం అదుర్స్

తమవారు బాగుంటే చాలని కోరుకునే ఈ కాలంలో ఎదుటి వారికి కూడా సాయం చేయాలంటూ సందేశం ఇస్తూ ఈ షార్ట్‌ ఫిల్మ్ నిర్మించిన రవితేజ, దర్శకత్వం వహించిన కృష్ణ అనిల్‌పై ప్రశంసలు వర్షం కురుస్తోంది.

షార్ట్ ఫిల్మ్‌లో ఏం చూపించారు?

హైదరాబాద్ సిటీ బస్సులో ఈ షార్ట్ ఫిల్మ్ చిత్రీకరించారు. రాత్రి వేళ ఓ అమ్మాయి ఒంటరిగా ప్రయాణిస్తుంది. మార్గ మధ్యంలో ఇద్దరు అమ్మాయిలు తమ తండ్రి, సోదరుడితో కలిసి బస్సెక్కుతారు. తర్వాత ముగ్గురు ఆకతాయిలు బస్సు ఎక్కి ఒంటరిగా ఉన్న అమ్మాయి పట్ల అసభ్యకరంగా ప్రవర్తిస్తుంటారు. అది చూసిన ఇద్దరు అమ్మాయిల తండ్రి, సోదరుడు అలా చేస్తున్న వారిపై రియాక్ట్ అవ్వకుండా మిన్నకుండిపోతారు. తమ పక్కన ఉన్న ఆడపిల్లలకు జరుగడం లేదుకదా, మనకెందుకు అనే ధోరణిలో మిన్నకుండిపోతారు.

హీరో శ్రీవిష్ణు ఎంట్రీ

ఇంతలో మరో స్టాప్‌లో ఓ యువకుడు(శ్రీవిష్ణు) ఇదే బస్సు ఎక్కుతాడు. అప్పుడు ఆ ముగ్గురు అబ్బాయిలు అమ్మాయిని ఏడిపించడం గమనిస్తాడు. ఆ తండ్రి, అన్నయ్య రియాక్ట్ అయ్యేలా వారికి తగిన గుణపాఠం చెప్తాడు. ఈ షార్ట్ ఫిల్మ్ కేవలం ఆ ఇద్దరి కళ్లు మాత్రమే కాదు.... ఈ సమాజంలోని ప్రతి ఒక్కరినీ అలాంటి సంఘటనలు జరిగినపుడు ‘రియాక్ట్' అయ్యేలా ప్రేరేపించేలా ఉంది.

ట్వీట్ చేసిన రవితేజ

ప్రతి అమ్మాయి ఒకరి చెల్లెలు లేదా కూతురు.... అంటూ రవితేజ ఈ షార్ట్ ఫిల్మ్ షేర్ చేశారు. ఈ షార్ట్ ఫిల్మ్ మీద మీరూ ఓ లుక్కేయండి.