Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
సత్ర్పవర్తన: నటుడు సంజయ్ దత్ విడుదలవుతున్నాడు!
హైదరాబాద్: బాలీవుడ్ నటుడు సంజయ్ దత్ అక్రమాయుధాల కేసులో శిక్ష అనుభవిస్తున్న సంగతి తెలిసిందే. ఈ ఏడాది అక్టోబర్ వరకు ఆయన శిక్ష అనుభవించాల్సి ఉన్నా....8 నెలల ముందుగానే విడుదల చేయబోతున్నారు. ఫిబ్రవరి 27న అతనిని విడుదల చేయడానికి మహారాష్ట్ర హోంశాఖ అనుమతి ఇచ్చింది. జైల్లో సంజయ్దత్ ప్రవర్తన చాలా బావుందని, సత్ర్పవర్తన కారణంగా అతన్ని ముందుగా విడుదల చేస్తున్నట్లు ప్రకటించింది.
ఈ నిర్ణయంతో ఆయన అభిమానులు, సన్నిహితులు, స్నేహితులు, బాలవుడ్ వర్గాలు ఆనందం వ్యక్తం చేసాయి. ముఖ్యంగా ఆయనతో సినిమాలకు కమిటైన పలువురు నిర్మాతలు చాలా హ్యాపీగా ఉన్నారు. సంజయ్ దత్ విడుదలవుతుండటంతో పెండింగులో ఉన్న సినిమాల మొదలు పెట్టేందుకు ప్రయత్నాలు చేస్తున్నారు.
1993 ముంబై పేలుళ్ల సమయంలో సంజయ్దత్ వద్ద ఆయుధాలు లభించాయి. అక్రమంగా ఆయుధాలు కలిగి ఉన్నాడనే అభియోగం రుజువు కావడంతో టాడా కోర్టు సంజయ్ దత్కు ఆరేళ్ల కారాగార శిక్ష విధించింది. టాడా కోర్టు తీర్పును సుప్రీంకోర్టు సమర్థిస్తూ శిక్షను మాత్రం ఐదేళ్లకు తగ్గించింది.
రెండు దశాబ్దాల క్రితం అతను 18 నెలల పాటు జైలులో ఉన్నాడు. దాంతో మిగిలిన 42 నెలలు సంజయ్ దత్ కారాగార శిక్ష అనుభవించాలని సుప్రీంకోర్టు మార్చి 21, 2013న తేదీన తీర్పు చెప్పింది. సంజయ్ దత్ గతేడాది మే 16, 2013న తేదీన ముంబై కోర్టులో లొంగిపోయారు. ఆ తర్వాత ఆయనను పూణేలోని యెరవాడ జైలుకు తరలించారు.