'ఆపరేషన్ 2019'.. ఏ రాజకీయ పార్టీని టార్గెట్ చేయలేదు.. హీరో శ్రీకాంత్!

సునీల్, మనోజ్ కీలక పాత్రల్లో

ఈ చిత్రంలో సునీల్, హీరో మనోజ్ ప్రత్యేకమైన పాత్రల్లో నటించినట్లు తెలుస్తోంది. అడగగానే ఈ చిత్రంలో నటించేందుకు వారిద్దరూ అంగీకరించారని శ్రీకాంత్ ధన్యవాదాలు తెలిపాడు. అందరి నటీనటుల నుంచి సహకారం అందడం వలనే అనుకున్న సమయం కంటే ముందుగానే ఈ చిత్రాన్ని విడుదల చేయగలుగుతున్నాం అని శ్రీకాంత్ తెలిపాడు.

రాజకీయ పార్టీలని

ఈ చిత్రంలో పొలిటికల్ టచ్ ఉంటుందని శ్రీకాంత్ అన్నారు. కానీ ఏ రాజకీయ పార్టీని కానీ, నాయకుడిని కానీ టార్గెట్ చేయలేదని శ్రీకాంత్ వ్యాఖ్యానించాడు. ప్రస్తుతం రాజకీయం ఎలా ఉంది, ఎమ్మెల్యేలు, ఎంపీలు ఎలా ఉన్నారు, జనాలు ఎలా అలోచించి ఓటేయాలి అంటే అంశాలని ఈ చిత్రంలో చూపించినట్లు శ్రీకాంత్ తెలిపారు. ఈ ఈవెంట్ కు ఎంపీ మురళి మోహన్ అతిథిగా హాజరయ్యారు. రాజకీయ నాయకులని ఈ చిత్రంలో టార్గెట్ చేయలేదు సర్ అంటూ శ్రీకాంత్ సరదాగా వ్యాఖ్యానించాడు.

బిగ్‌బాస్ హరితేజ

హరితేజ బిగ్ బాస్ తొలి సీజన్ తో సెలేబ్రిటిగా మారిపోయింది. ఈ చిత్రంలో ఆమె ఓ సాంగ్ చేశారని శ్రీకాంత్ తెలిపాడు. ఆమె అంత బాగా చేస్తుందని మేము ఊహించలేదని శ్రీకాంత్ తెలిపాడు. ఈ చిత్రాన్ని 2019 లో విడుదల చేద్దాం అని భావించాం. కానీ నిర్మాతల సహకారంతో ముందుగానే వస్తున్నాం అని శ్రీకాంత్ తెలిపాడు.

తెలంగాణ ఎన్నికలు

ఈ చిత్రం రాజకీయ నేపథ్యంలో తెరకెక్కించాం. ఇప్పుడు తెలంగాణలో కూడా ఎన్నికల వాతావరణం నెలకొని ఉంది. సినిమా విడుదలకు ఇదే మంచి సమయం అని భావించాం అని శ్రీకాంత్ తెలిపారు. ఈ చిత్రం విజయం సాధిస్తుందనే పూర్తి విశ్వాసంలో తాము ఉన్నట్లు శ్రీకాంత్ తెలిపాడు. కారణం బాబ్జి దర్శత్వంలో వచ్చిన ఈ చిత్రాన్ని టి అలివేలు నిర్మించారు.