బాహుబలిలో ప్రభాస్ అసలైన హీరో కాదు.. అలా చూపించాలంటే గట్స్ ఉండాలి.. సుమన్!

తెలుగు సినిమా ఖ్యాతి

తెలుగు సినిమా ఖ్యాతిని ప్రపంచ వ్యాప్తం చేసిన చిత్రం బాహుబలి. రాజమౌళికి, ప్రభాస్ కు దేశవ్యాప్తంగా తిరుగులేని స్టార్‌డమ్ తెచ్చిపెట్టింది. హై బడ్జెట్ లో తెరకెక్కిన ఈ చిత్రం వసూళ్ల సునామి సృష్టించి ఇండియాలోనే నెం 1 చిత్రంగా నిలిచింది. రానా ప్రతినాయకుడిగా నటించినప్పటికీ ప్రశంసలు అందుకున్నాడు. అలాంటి పాత్రని తాను మాత్రమే చేయగలనని నిరూపించుకున్నాడు.

ప్రభాస్ హీరో కాదు

తాజాగా నటుడు సుమన్ మాట్లాడుతూ.. బాహుబలి చిత్రంలో ప్రభాస్ అసలైన హీరో కాదని అన్నారు. మీరు గమనించినట్లైతే.. భీకర పోరు తర్వాత హీరో విలన్ ని చంపాడు. రానా పాత్ర మంటల్లో కాలిపోతుంది. దీనిని బట్టే అర్థం అవుతుంది.. ఈ చిత్రంలో రానా పాత్ర చాలా పవర్ ఫుల్ అని. ఇలాంటి సీన్స్ తీయాలంటే గట్స్ ఉండాలి. అది కేవలం రాజమౌళికి మాత్రమే సాధ్యం అని సుమన్ అన్నారు.

40 మందిని కొట్టడం

40 మందిని కొట్టడపెద్ద విషయం కాదు. కానీ విలన్ పాత్రని అంత పవర్ ఫుల్ గా చూపించాలంటే దర్శకుడుకి విజన్ కావాలని సుమన్ తెలిపారు. బాహుబలి చిత్రంలో విలన్ పాత్ర పవర్ ఫుల్ గా ఉండడం వలనే అంత పెద్ద విజయం సాధించిందని తెలిపారు. సినిమాలో ప్రతినాయకుడి పాత్ర వీక్ గా ఉంటే ఆ సినిమా ఏ మేరకు విజయం సాధిస్తుందో చెప్పలేం అని సుమన్ అన్నారు.

రాజకీయాలపై

సుమన్ ప్రస్తుతం సౌత్ లో బిజీ ఆర్టిస్ట్ గా కోనసాగుతున్నారు. కొంత కాలం నుంచి ఆయన ద్రుష్టి రాజకీయాలపై కూడా పడింది. తెలుగు రాష్ట్రాల్లో రాజకీయ పరిస్థితులని గమనిస్తున్న సుమన్ పాలిటిక్స్ లోకి ఎంట్రీ ఇచ్చే ఆలోచన కూడా చేస్తున్నారు. కాలం కలసి వస్తే రాబోవు సార్వత్రిక ఎన్నికల్లోనే సుమన్ తెలుగు రాష్ట్రాల్లో పోటీ చేసే అవకాశాలు ఉన్నాయి.