Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
నా కూతురు కూడా ఇక్కడే, అడిగితే ఏం చెప్పాలి: శ్రీరెడ్డి వివాదంపై ఉత్తేజ్ ఎమోషనల్
'మా' సభ్యత్వం ఇవ్వడం లేదని, తనకు న్యాయం చేయాలని ఆరోపిస్తూ శ్రీరెడ్డి చేసిన అర్దనగ్ర ప్రదర్శనపై 'మూవీ ఆర్టిస్ట్ అసోసియేషన్' సీరియస్ అయింది. ఆదివారం మీడియా సమావేశం ఏర్పాటు చేసిన 'మా' సభ్యులు శ్రీరెడ్డి లాంటి వారికి సభ్యత్వం ఇచ్చేది లేదని తేల్చి చెప్పారు. ఆమెతో 'మా' సభ్యత్వం ఉన్న 900 మంది నటించబోరని, ఒక వేళ నటిస్తే వారిని సస్పెండ్ చేస్తామని తీర్మాణించారు. ఈ సందర్భంగా ఉత్తేజ్ మాట్లాడుతూ ఎమోషనల్గా రియాక్ట్ అయ్యారు.
Recommended Video
శ్రీరెడ్డి చెప్పింది పచ్చి అబద్దం
‘మా' సభ్యత్వం ఇవ్వడం లేదని శ్రీరెడ్డి చేసిన ఆరోపణల్లో నిజం లేదని ఉత్తేజ్ తెలిపారు. ఆ అమ్మాయి ఆఫీస్కు వచ్చినపుడు నేనూ, శ్రీకాంత్, శివాజీ అన్న కూడా ఉన్నారు. నా పరిస్థితి ఇలా ఉందంటే.... శివాజీ అన్న చాలా సెన్సిటివ్. వెంటనే రియాక్ట్ అయ్యారు. అమ్మా నువ్వు నన్ను సొంత అన్నయ్య అనుకో, ప్రెసిడెంట్ అనే విషయాన్ని పక్కన పెట్టు. జరిగింది ఏదో జరిగిపోయింది. అప్లికేషన్ తీసుకో, సంతకం పెట్టు అని ఎంకరేజ్ చేశారు. తేజగారితో పర్సనల్గా మాట్లాడితే ఆయన రెండు సినిమాలు ఇచ్చారు. అప్లికేషన్ మీద సంతకం పెట్టి వెళ్లిపొమ్మని చెప్పా. ఆమె ‘మా' ఆఫీస్ మెట్లు దిగిన వెంటనే సోషల్ మీడియాలో ఇంకొక న్యూస్ వచ్చేసింది.... ఇలా చేసే వారికి ‘మా'లో సభ్యత్వం ఎలా ఇస్తాం? అని ఉత్తేజ్ అన్నారు.
నా కూతురు కూడా హీరోయిన్
నా కూతురు ఆల్రెడీ హీరోయిన్ అయింది. తన పేరు చేతన. రేపు ఇంకో సినిమా చేస్తోంది. నా చిన్న కూతురును కూడా సినిమాల్లోకి తీసుకొస్తాను, నాకు ఇంకో కూతురు పుడితే కూడా సినిమాల్లోకి తీసుకొస్తాను. నాకు సినిమా అంటే ప్రాణం. ఎవరి వాళ్లు వారి కుటుంబంలోకి రావాలనుకుంటారు... అని ఉత్తేజ్ అన్నారు.
అప్లికేషన్ ఇచ్చామంటనే ‘మా’ సభ్యత్వం వచ్చినట్లు, కానీ కాపాడుకోలేదు
అప్లికేషన్ ఇచ్చామంటేనే ‘మా' కుటుంబంలోకి తెచ్చుకున్నట్లు అర్థం. ఆమె తేజ సినిమాలో క్లిక్ అయ్యేదేమో? ఆమె దాన్ని కాపాడుకుంటే బావుండేది. కానీ అలా చేయలేదు. నిన్న మనందరి ముందు, మన ఫ్యామిలీ ముందు, ఒక అమ్మ ముందు, ఒక నాన్న ముందు, ఒక చెల్లె ముందు అలా అర్దనగ్న ప్రదర్శన చేయడం బాధ అనిపించింది.... అని ఉత్తేజ్ అన్నారు.
ఇది క్రియేటివ్ జాబ్, ఛాన్స్ రావచ్చు..రాక పోవచ్చు
నాకు కూడా అనిపిస్తుంటుంది... నా కూతురు చేతనకు సినిమాలు రావట్లేదేమిటి? అని, ఇది క్రియేటివ్ జాబ్ ఇది, ఒక్కోసారి ఇస్తారు, ఒక్కోసారి ఇవ్వరు. వచ్చినపుడు క్లిక్ అవుతాం. వేణు మాధవ్ కంటే నేను బ్రహ్మాండమైన ఆర్టిస్టు కావొచ్చు. కానీ వాడికి దిల్, సింహాద్రి ఇలా వరుసగా సూపర్ హిట్స్ వచ్చాయి. కామట్టి కమర్షియల్ సక్సెస్ లోకి వెళ్లాడు. ఇక్కడ టాలెంటుతో పాటు సక్సెస్, అదృష్టం అన్నీ సెట్టయితే కానీ యాక్టర్ అవ్వలేం.... అని ఉత్తేజ్ అన్నారు.
నా చిన్న కూతురు అడిగితే ఏం చెప్పాలి?
మా చిన్న పాప టీవీలో చూసి ఏంటి నాన్న ఆమె ఏం చేస్తోంది అని అడిగితే ఏం చెప్పాలి? సినిమా ఇండస్ట్రీలో ఇలా జరుగుతుందని చెప్పాలా? అది చాలా తప్పు. ఆమెను గుండెల్లో పెట్టుకుందామనుకున్నాం. కానీ ఆమె వేరే రకంగా వెళ్లిపోయింది. అన్నయ్య శివాజీ రాజా డెసిషన్ కు మేమంతా కట్టుబడి ఉన్నాం. దయచేసి ఇలాంటివన్నీ ఎంకరేజ్ చేయకుండి... అని ఉత్తేజ్ అన్నారు.