Click it and Unblock the Notifications
తెలుగు నటిపై అత్యాచారయత్నం: హీరో, దర్శకుడు అరెస్ట్
తెలుగు నటిపై అత్యాచారయత్న జరిగింది. నటి తప్పించుకుని పోలీసులను ఆశ్రయించింది.
సినిమా ఛాన్స్ అని నమ్మించి షూటింగుకు తీసుకెళ్లే నెపంతో కారులో అత్యాచారయత్నానికి పాల్పడ్డ సంఘటన విజయవాడ సమీపంలో చోటు చేసుకుంది. అయితే సదరు నటి ప్రతిఘటించడంతో కారు అదుపు తప్పి ప్రమాదానికి గురి కావడంతో వెంటనే ఆమె అక్కడి నుండి తప్పించుకుని పోలీసులను ఆశ్రయించింది.
బాధితురాలు మాట్లాడుతూ ..సినిమా అవకాశం పేరుతో తనను నమ్మించిన దర్శకుడు చలపతి, హీరో సృజన్ భీమవరంలో షూటింగ్ ఉందని చెప్పి హైదరాబాద్ నుండి కారులో తీసుకెళ్లారని, కారులో వెళ్తున్న సమయంలోనే అసభ్యంగా ప్రవర్తించారని, అత్యాచారయత్నం చేశారని తెలిపారు.
నటి ప్రతిఘటన
వారి కీచక చర్య నుండి తప్పించుకునే క్రమంలో నటి ప్రతిఘటనకు దిగడంతో పెనుగులాట జరిగి నిడమానూరు వద్ద కారు ప్రమాదానికి గురైంది. గాయాలపాలైన ఆమె వెంటనే అక్కడి నుండి తప్పించుకుంది.
Recommended Video
పోలీసులకు ఫిర్యాదు
కుటుంబ సభ్యులకు సమాచారం అందించడంతో వారు హైదరాబాద్ నుండి వచ్చి విషయం తెలుసుకుని పోలీసులకు ఫిర్యాదు చేశారు. దర్శకుడు చలపతి, సృజన్ లను పోలీసులు అదుపులోకి తీసుకుని విచారణ జరుపుతున్నారు.
బ్లాక్ మెయిల్
ఈ సంఘటనపై నటి మీడియాతో మాట్లాడుతూ... జరిగిన సంఘటన ఎవరికీ చెప్పొద్దని తనను బ్లాక్ మెయిల్ చేశారని, ఎవరికైనా చెబితే నీ కెరీరే నాశనం అవుతుంది, నీకు ఎవరూ ఛాన్స్ ఇవ్వరు అని బెదిరించారని నటి ఆరోపించారు.
పోలీసుల హెచ్చరిక
సినిమా అవకాశాల పేరుతో ఇలాంటి సంఘటనలు తరచూ జరుగుతున్నాయని, ఈ విషయంలో జాగ్రత్తగా ఉండాలని, ఒంటరిగా షూటింగుకు వెళ్లాల్సి వస్తే కుటుంబ సభ్యులను వెంట తీసుకుని వెళ్లాలని పోలీసులు సూచిస్తున్నారు.
Continue with Google