Don't Miss!
- News ఎండలో తిరిగితే జ్వరం..పూలు వేస్తే ఎలర్జీ..నీకు రాజకీయాలెందుకు..?
- Sports DC vs SRH:ట్రావిస్ హెడ్, షెహ్బాజ్ అహ్మద్ విధ్వంసం.. ఢిల్లీ ముందు భారీ లక్ష్యం
- Technology Whatsapp File Sharing Feature వాట్సాప్లో కొత్త ఫీచర్.. సులభంగా ఫైల్స్ షేర్ చేసుకోవచ్చు..!
- Lifestyle మీ భార్యతో ఇలా ఎప్పుడైనా ఉన్నారా..? ఆ విషయంలో భర్త తగ్గాల్సిందే..!
- Finance HDFC Bank: అంచనాకు అనుగుణంగానే హెచ్డీఎఫ్సీ బ్యాంక్ ఫలితాలు..!
- Automobiles త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
విరుచుపడ్డ నటి హేమ: ఇండస్ట్రీలో డాష్ ముండలు.. పవన్ తల్లిని అంటే మహిళా సంఘాలు ఏమయ్యాయి!
Recommended Video
కొద్ది సేపటి క్రితమే మెగా బ్రదర్ నాగబాబు టాలీవుడ్లో జరుగుతున్న పరిణామాలపై ప్రెస్ మీట్ నిర్వహించి మాట్లాడారు. సుదీర్ఘంగా మాట్లాడిన ఆయన కాస్టింగ్ కౌచ్, పవన్ కళ్యాణ్పై శ్రీరెడ్డి వ్యాఖ్యలు వంటి అంశాలపై సుదీర్ఘంగా మాట్లాడారు. అనేక విషయాలపై ఆయన వివరణ ఇచ్చారు. నాగబాబు మాట్లాడిన తరువాత ప్రముఖ నటి హేమ కూడా ప్రస్తుతం జరుగుతున్న పరిణామాలపై స్పందించారు. ఒకరంగా ఇండస్ట్రీని దూషిస్తున్న వారిపై ఆమె విరుచుపడ్డారని చెప్పొచ్చు. ఏం జరిగినా తమని దూషిచడం సరికాదని ఆమె అన్నారు.
డాష్ ముండలు లేరా అన్నాడు
ఇండస్ట్రీలో డాష్ ముండలు లేరా అంటూ టివీ5 ఛానల్ యాంకర్ మాట్లాడిన మాటని హేమ తప్పుబట్టారు. దీని కోసం బాగా శిక్షణ పొంది న్యూస్ ఛానల్స్లో న్యూస్ రీడర్స్ అయ్యారని హేమ ఎద్దేవా చేశారు.
ఆవిడకేనా పర్సనల్ విషయాలు
హేమ మీడియాతో మాట్లాడుతూ పరోక్షంగా శ్రీరెడ్డి గురించి వ్యాఖ్యలు చేసారు. టివి ఛానల్స్లో డిబేట్లు నిర్వహించేవారు ఆవిడ పర్సనల్ విషయాలు ఎత్తకండి అంటారు. ఆమెకేనా పర్సనల్ విషయాలు.. మాకు కుటుంబాలు లేవా అని హేమ ప్రశ్నించారు. ఆర్టిస్టులు అయిన పాపానికి మా కుటుంబాలు డాష్ అయిపోవాలా అని ప్రశ్నించారు.
ఐకమత్యం పెరుగుతోంది
ఈ సంఘటన పుణ్యమా అని మా చిత్ర పరిశ్రమలో ఐకమత్యం పెరుగుతోందని హేమ అన్నారు. ఇలా న్యూస్ ఛానల్స్ లో డిబేట్లు పెడుతూ ఇండస్ట్రీని దూషించడం వలన తామంతా ఒక్కటి అవుతున్నామని అంతా మీ పుణ్యమే అని టీవీ ఛానల్స్ ని ఉద్దేశించి అన్నారు.
పవన్ కళ్యాణ్పై శ్రీరెడ్డి వ్యాఖ్యల గురించి
ఇలాంటి క్యారెక్టర్లు ఇంకో నలుగురిని తీసుకుని వచ్చి మిగిలిన హీరోల తల్లులని కూడా తిట్టించండి సరిపోతుంది అంటూ శ్రీరెడ్డి పవన్ పై చేసిన వ్యాఖ్యలని పరోక్షంగా ప్రస్తావించారు. అలా చేస్తే తాము ఇంకా ఐకమత్యంగా మారుతామని హేమ అన్నారు.
అలాంటి జాబ్ చూపించండి
ఈ రంగంలో ఆడవారికి భద్రత ఉందని మీడియా ఛానల్స్ వారు ప్రకటన ఇవ్వండి. ఆధారం అక్కడికే వెళ్లి ఉద్యోగాలు చేస్తాం అని హేమ అన్నారు. బస్టాండ్ లో నిలుచున్నా కూడా ఆడవారికి భద్రత ఉండడం లేదని అన్నారు. ప్రభుత్వ కార్యాలయాలు, ప్రయివేట్ సంస్థలు ఎక్కడా కూడా ఆడవారికి భద్రత ఉండడం లేదని అలాంటప్పుడు ఒక్క చిత్ర పరిశ్రమనే దూషించడం ఏంటని ఆమె అన్నారు.
మహిళా సంఘాలు ఇప్పుడు ఎక్కడ
చలపతి బాబాయ్ ఒక్క మాట అంటే మహిళాసంఘాలు ఆయన్ని దులిపేశాయని హేమ అన్నారు. అలాంటిది ఇప్పుడు ఆమె పవన్ కళ్యాణ్ తల్లిని అంత పెద్ద మాట అనేసింది. మహిళా సంఘాలు ఏమయ్యాయని హేమ ప్రశ్నించారు. మగవాళ్ళు తిడితేనేనా తిట్టు.. ఆడవాళ్లు తిడితే తిట్టు కాదా అని హేమ మహిళా సంఘాలని మీడియా ద్వారా అడిగారు.