నటి జయలలిత ఎమోషనల్ స్పీచ్.. కొరటాల మాట్లాడడం చూసి ఏడ్చేశా, నా కడుపున పుట్టాలి!

రాజకుమారుడు తరువాత

అందమైన సూపర్ స్టార్ మహేష్ బాబుతో తాను రాజకుమారుడు చిత్రంలో నటించానని జయలలిత అన్నారు. రాజకుమారుడు తరువాత ఆయనతో కలసి నటించడం ఇదే తొలిసారి అని జయలలిత తెలిపారు.

చిన్న భాగం అయ్యాను

చాలా ఏళ్ల తరువాత తాను విజయవంతమైన సినిమాలో చిన్న భాగం అయ్యానని, ఈ వేడుకకు రావడం సంతోషంగా ఉందని జయలలిత అన్నారు.

సంతోషంతో ఏడ్చేశా

కొరటాల శివ గారు ఓ ఇంటర్వ్యూలో తనగురించి మాట్లాడడంచూసి తాను సంతోషంతో ఏడ్చేశానని అన్నారు. వ్యాంప్ ఇమేజ్ ఉన్న జయలలితని స్పీకర్ పాత్రకు ఎంచుకునే సాహసం ఎలా చేశారనే ప్రశ్న కొరటాలకు ఎదురైనప్పుడు ఆయన ఇచ్చిన సమాధానం నాకు నచ్చిందని జయలలిత అన్నారు. ఆమెలో తాను అమ్మని చూశానని కొరటాల చెప్పినట్లు జయలలిత తెలిపింది.

కొరటాల నా కడుపున పుట్టాలి

ఆడియన్స్ కోణంలో తాను ఆలోచించనని, జయలలితతో హుందాతనం గమనించానని కొరటాల ఇంటర్వ్యూలో తెలిపినట్లు ఆమె అన్నారు. కొరటాల శివ తన కడుపున పుట్టాలని కోరుకుంటున్నట్లు జయలలిత ఎమోషనల్ గా ప్రసంగించారు.