ఎంత మంది పొట్టకొడుతారు? టిక్‌టాక్ నిషేధంపై నుస్రత్ జహాన్ ఫైర్

టిక్ టాక్ నిషేధంపై నుస్రత్

టిక్ టాక్ అనేది వినోదాత్మకమైన యాప్. ప్రజలకు, నెటిజన్లకు ఆహ్లాదం, వారి ప్రతిభకు పదునుపెట్టే సాధనంగా మారింది. అలాంటి యాప్‌ను ఎలా నిషేధిస్తారు. ఇలాంటి యాప్‌ను నిషేధించాలని నిర్ణయం తీసుకొన్నప్పుడు సమగ్రమైన ప్లాన్ ఉండాల్సిన అవసరం ఉంది. ఇలాంటి నిర్ణయాల వల్ల చాలా మంది నిరుద్యోగులుగా మారుతారనే విషయం తెలుసా అని నుస్రత్ జహాన్ ప్రశ్నించారు.

యువత నిరుద్యోగం బారిన పడితే

టిక్ టాక్ నిషేధం వల్ల నాకు వచ్చిన నష్టం ఏమీలేదు. జాతీయ భద్రత కోసం నిషేధిస్తే మంచిదే. కానీ దానికంటూ ఓ ప్లాన్ ఉండాలి కదా? ఈ నిషేధం నోట్ల రద్దు లాంటిదే. యువతకు నిరుద్యోగం బారిన పడితే వారిని ఆదుకొనే ప్రణాళిక మీ వద్ద ఉందా? అలాంటి ప్రశ్నలకు మీ వద్ద సమాధానం ఉందా? అని నుస్రత్ జహాన్ ప్రశ్నించారు.

నా అభిమానులతో యాప్‌తో కనెక్ట్..

ఇతర సోషల్ మీడియా ప్లాట్‌ఫాం మాదిరిగానే టిక్ టాక్ సమాచార, వినోద ప్రచార సాధనం. నేను నా అభిమానులను, ప్రేక్షకులను ఈ యాప్‌ ద్వారా అనుసంధానమై ఉంటాను. ఒకవేళ జాతీయ ప్రయోజనాలు ఈ నిషేధం వెనుక ఉంటే సమర్ధిస్తాను. కానీ ప్రభుత్వ అనాలోచిత నిర్ణయంగా భావిస్తాను. ప్రభుత్వ వైఫల్యాలను కప్పిపుచ్చుకొవడానికే ఈ నిర్ణయం అని నుస్రత్ జహాన్ అన్నారు.

మలైకా ఆరోరా స్పందిస్తూ..

టిక్ టాక్ యాప్‌ నిషేధంపై బాలీవుడ్ ప్రముఖుల్లో భిన్న స్వరాలు వినిపిస్తున్నాయి. టిక్ టాక్ నిషేధంపై మలైకా ఆరోరా స్పందిస్తూ.. లాక్‌డౌన్‌లో నేను విన్న శుభవార్త ఇదే. చెత్త వీడియోలు ఇక యాప్‌ల్లో కనిపించవు. ఇది కొంచెం ఊరట కలిగించే విషయం అని మలైకా ఆరోరా అన్నారు.

Recommended Video

Aha Originals : Bhanumathi Rama Krishna Teaser | ఆహాలో ‘భానుమతి రామకృష్ణ'

58 యాప్‌లపై నిషేధం

టిక్ టాక్ విషయానికి వస్తే.. భారత్‌లో 200 మిలియన్ల యూజర్లు ఉన్నారు. దాదాపు చైనాకు సంంబంధించిన 58 యాప్‌లను నిషేధించడం సంచలనం రేపింది. చైనా, భారత్ సరిహద్దులో ఉద్రిక్తతలు చోటుచేసుకొన్న సందర్భంలో ఇలాంటి నిర్ణయాన్ని కేంద్ర తీసుకోవడంపై కొన్ని వర్గాల్లో హర్షం వ్యక్తమవుతున్నది.