నా పతనానికి కారణం అదే... అతడిని పెళ్లి చేసుకోవడమే పెద్ద తప్పు.. ప్రగతి కామెంట్

పదహారేళ్ల వయసులోనే..

‘పదహారు, పదిహేడు వయసులోనే ఇండస్ట్రీకి ఎంట్రీ ఇచ్చాను. పెద్దగా చదువుకోలేదు. మొదటగా ఓ యాడ్ షూట్ కోసం వచ్చాను. ఆపై హీరోయిన్‌గా మారిపోయాను. ఆ కెరీర్ కూడా త్వరగానే ముగిసిపోయింది. ఇరవై యేళ్లకే పెళ్లి కూడా చేసుకున్నాను.

ఆ వాతావరణం నచ్చకే..

మొదటగా హీరోయిన్ అవుదామని నేను ఫిక్స్ కాలేదు. ఇండస్ట్రీలో ఉందామని కూడా రాలేదు. అందుకే ఇక్కడి వాతావరణం నాకు అంతగా నచ్చలేదు. చిన్నతనం నుంచి నాపై ఎవరైనా అధికారం, పెత్తనం చలాయిస్తే నాకు నచ్చేది కాదు. అది కూడా ఒక కారణం కావచ్చు. అందుకే ఇకే ఏడాదిలో ఆరేడు తమిళ సినిమాల్లో హీరోయిన్‌గా నటించాక నాకు అర్థమైంది.

అందుకే వెంటనే పెళ్లి..

ఇక సినిమా ఇండస్ట్రీకి నేను ఫిట్ కాదని అనిపించింది. అందుకే ఇండస్ట్రీకి దూరంగా ఉండిపోయాను. తరువాత ఏంటి? అని ఆలోచిస్తే నాకు కనిపించిన ఆప్షన్ పెళ్లి. నాకు చిన్నతనం నుంచి కూడా పెళ్లి చేసుకునే సెటిల్ అవ్వాలనే కోరిక ఉండేది. అందుకే నాకు కనిపించిన ఆప్షన్ అదే. నా అహంకారానికి ఆప్షన్.. నా పతనానికి కనిపించిన ఆప్షన్ అదే.

మళ్లీ సినిమాల్లోకి..

పెళ్లయ్యాక వెంటనే బాబు పుట్టాడు. బరువు, బాధ్యతలు పెరగాయి.. బతకడానికి ఏదో ఒక పని చేయాలి.. నేను చదివిన చదువుకు కనీసం ప్యూన్ ఉద్యోగం కూడా రాదు. నాకు తెలిసింది నటించడమే. అందుకే మళ్లీ సినిమాల్లోకే వచ్చాను.

Recommended Video

Adah Sharma Is Excited About Her New Film | రెండు చిత్రాలకు సైన్ చేసిన బ్యూటీ

పెళ్లి చేసుకోకూడదు..

అంత చిన్న వయసులో పెళ్లి చేసుకోడం నేను చేసిన తప్పు. నేననే కాదు ఎవ్వరైనా సరే ఓ వయసు వచ్చే వరకు, వారి కాళ్ల మీద వారు నిలబడి సంపాదించుకునే వరకు పెళ్లి చేసుకోకూడదు. నేను నా జీవితంలో చేసిన అతి పెద్ద తప్పు అదే' అంటూ ప్రగతి తన జీవిత గాథను వివరించింది.