క్రికెటర్ బూమ్రాతో ఎఫైర్, పెళ్లి వార్తలపై స్పందించిన... రాశీ ఖన్నా!

బూమ్రాను పెళ్లి చేసుకుంటున్నారనే వార్తలపై

క్రికెటర్ బుమ్రాను పెళ్లి చేసుకుంటున్నారట నిజమేనా? అని అలీ ప్రశ్నించగా... రాశి ఖన్నా స్పందిస్తూ ‘ఈ ప్రశ్న అడిగినందుకు చాలా థ్యాంక్స్‌. అతను ఒక క్రికెటర్‌ అని మాత్రమే తెలుసు. అంతకుమించి ఏమీ లేదు. అతని మ్యాచ్‌లు అస్సలు ఎప్పుడూ చూడలేదు. వ్యక్తిగా అతనెవరో కూడా తెలియదు.' అని రాశీ ఖన్నా తెలిపారు.

నాపై వారే ఈ వార్తలు పుట్టించారు

బూమ్రా గురించి నాపై ఈ రూమర్‌ ఎలా వచ్చాయో తెలియదు. కొన్ని హిందీ వెబ్‌సైట్‌లు చేసిన పని ఇది. ఇలాంటివి వింటుంటే చాలా చిరాగ్గా ఉంటుంది.... అని రాశీ ఖన్నా తెలిపారు.

మెగా హీరోతో లవ్‌లో ఉన్నారా?

ఒక మెగాహీరోతో కూడా లవ్‌లో ఉన్నారని అంటున్నారు.. నిజమేనా? అంటూ అలీ మరో ప్రశ్న సంధించగా.... ఎక్కడి నుంచి రాస్తారండీ ఇవన్నీ. ఎవరా హీరో మీరు చెప్పండి అంటూ అలీని ఎదురు ప్రశ్నించింది రాశీ.

చాలా మంది బాయ్ ఫ్రెండ్స్

సాధారణంగా హీరోయిన్లు ఒకరికొకరు ఫ్రెండ్స్‌ అవుతారు? కానీ రాశీఖన్నాకు హీరోల్లో ఎక్కువ ఫ్రెండ్స్‌ ఉన్నారట నిజమేనా? అనే ప్రశ్నకు రాశీ ఖన్నా స్పందిస్తూ.... అవును! అది నిజమే. గర్ల్స్‌.. బాయ్స్‌ ఎక్కువమందే ఉంటారు. దిల్లీలో కూడా నాకు చాలామంది బాయ్‌ఫ్రెండ్స్‌ ఉన్నారు. రకుల్‌ నాకు చాలా క్లోజ్‌. నా సహ నటులతో చాలా క్లోజ్‌గా ఉంటాను అని సమాధానం ఇచ్చారు.

ఆ సినిమా ఎందుకు చేశానా? అనిపించింది

ఇప్పటి వరకు 15 సినిమాల్లో నటించాను. అయితే అందులో ఒక సినిమా చేసిన తర్వాత ‘ఎందుకు ఈ సినిమా చేశానా?' అనిపించింది. ఆ సినిమా పేరు నేను చెప్పను. కథ చెప్పినప్పుడు బాగా అనించింది. కానీ సినిమా తెరపై చూసుకున్న తర్వాత బాధ పడ్డాను అని... రాశీ ఖన్నా తెలిపారు.