Don't Miss!
- News కాలేజ్ క్యాంపస్ లో పోలిటికల్ లీడర్ కూతురి హత్య, కన్న కూతుర్ని ఎవరు ఎలా చంపారో చెప్పిన లీడర్ !
- Finance Amazon News: అమెజాన్ సీక్రెట్ స్టోర్.. ప్రాజెక్ట్ క్యూరియాసిటీ వివరాలివే..
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
పాపం స్నేహా ఉల్లాల్.. భయంకరమైన వ్యాధితో.. అందుకే కనుమరుగు..
లక్కీ: నో టైమ్ ఫర్ లవ్ అనే చిత్రంలో ఏకంగా సల్మాన్ పక్కన నటించే అవకాశాన్ని కొట్టేసిన స్నేహ.. ఆ తర్వాత దక్షిణాది సినీ పరిశ్రమలో బిజీగా మారింది.
అందాల తార స్నేహా ఉల్లాల్ను చూస్తే ఐశ్వర్యరాయ్ జిరాక్స్ కాపీలా ఉంటుంది. 2005 ప్రాంతంలో ఐశ్వర్యరాయ్కి దూరమై.. విరహంలో ఉన్న సల్మాన్ఖాన్ తన లక్కీ చిత్రంలో ఐష్ను గుర్తు చేసే స్నేహా ఉల్లాల్ను హీరోయిన్గా తీసుకొన్నారనేది బాలీవుడ్ వర్గాలు చెప్పుకొంటారు. లక్కీ: నో టైమ్ ఫర్ లవ్ అనే చిత్రంలో ఏకంగా సల్మాన్ పక్కన నటించే అవకాశాన్ని కొట్టేసిన స్నేహ.. ఆ తర్వాత దక్షిణాది సినీ పరిశ్రమలో బిజీగా మారింది. ఉల్లాసంగా.. ఉత్సాహంగా చిత్రంతో తెలుగు ప్రేక్షకులకు దగ్గరైన ఆమె ఆరోగ్య పరిస్థితి ప్రస్తుతం ఆందోళనకరంగా ఉంది. దాంతో నాలుగేళ్లుగా సినిమాలకు దూరంగా ఉంటున్నది. తాజాగా తన ఆరోగ్యం కాస్త మెరుగుపడటంతో ఓ షూటింగ్కు హాజరయ్యారు. ఈ సందర్భంగా మాట్లాడుతూ.. తన ఆరోగ్య పరిస్థితిని వివరించారు.
ఆటో ఇమ్యూన్ డిజార్డర్తో..
చాలా రోజులుగా నేను రక్త సంబంధిత వ్యాధితో బాధపడుతున్నాను. వైద్యులు నా వ్యాధిని ఆటో ఇమ్యూన్ డిజార్డర్ అని నిర్ధారించారు. దాంతో నేను శరీరం చాలా బలహీనంగా మారింది. నా కాళ్లపై నేను నిలుచునే పరిస్థితి లేదు. చాలా ఇబ్బందిగా మారింది. ఎక్కువ సేపు నిలబడితే పడిపోయే ప్రమాదం ఉంది. దాంతో సినిమాల్లో నటించడానికి దూరంగా ఉండాలి అని నిశ్చయించుకొన్నాను. సినిమాల్లో నేను కనిపించకపోవడానికి కారణం ఇదే అని స్నేహా ఉల్లాల్ చెప్పారు.
నిలబడటమే కష్టంగా..
అతి భయంకరమైన వ్యాధికి గురైనందున కనీసం 30 నిమిషాల కంటే ఎక్కువ నిలబడటం కష్టంగా మారింది. దాంతో నేను సరిగా నడువలేని, పరుగెత్తలేని, డ్యాన్స్ చేయలేని పరిస్థితి తయారైంది. వైద్య చికిత్స అందుతున్నప్పటికీ.. అప్పట్లో రోజురోజుకి నా ఆరోగ్యం దిగజారింది. ఆ కారణంగా నిర్మాతలను ఇబ్బంది పట్టలేకనే సినిమాలకు కొద్ది రోజులు దూరంగా ఉన్నాను అని స్నేహ తన బాధను చెప్పుకొన్నది.
ఆరోగ్య కారణాల వల్ల
ప్రస్తుతం నా ఆరోగ్యం కొంత మెరుగైనది. ఇప్పుడిప్పుడే కోలుకొంటున్నాను. అందుకే వీలున్నంత మేరకు సినిమాలను అంగీకరిస్తున్నాను. ఇది నాకు సెకండ్ ఇన్నింగ్ అంటే నేను ఒప్పుకోను. ఆరోగ్య కారణాల వల్ల నాకు నేనుగా సినిమాలకు దూరంగా ఉండాలి అని అనుకొన్నాను అని స్నేహ ఉల్లాల్ అభిప్రాయపడింది.
ఆయుష్మాన్ భవలో..
స్నేహా ఉల్లాల్ ప్రస్తుతం ఆయుష్మాన్ భవ అనే తెలుగు చిత్రంలో నటిస్తున్నారు. ఈ చిత్రంలో అమలా పాల్ కీలకపాత్రను పోషిస్తున్నారు. చరణ్ తేజ్ దర్శకత్వం వహిస్తున్న ఈ చిత్రంలో స్నేహా ఉల్లాల్ ద్విపాత్రాభినయం చేస్తున్నది. ఈ సినిమా ద్వారా మళ్లీ తెలుగులో బిజీ అయ్యే పరిస్థితి, అవకాశం ఉందని ఆమె తెలిపారు.