మోసపోయిన తెలుగు హీరోయిన్.. చివరకు పోలీస్ స్టేషన్ మెట్లెక్కక తప్పలేదు

సోషల్ మీడియాలో యాక్టీవ్.. కొంప కొల్లేరు

నేటితరం యంగ్ హీరోయిన్స్ అంతా సోషల్ మీడియాలో యమ యాక్టీవ్ గా ఉంటున్నారు. ఈ కోవలోనే తెలుగు భామ సోనాక్షి వర్మ కూడా సోషల్ మీడియా ప్లేట్ ఫార్మ్స్ ఫేస్‌బుక్, ట్విట్టర్ లాంటి వాటిలో చాలా అప్‌డేట్ గా ఉండేది. అయితే సామాజిక మాధ్యమాల్లో ఉన్న ఆ చురుకుదనమే ఆమె కొంప కొల్లేరు చేసింది. ఒక సైబర్ నేరగాడు ఆమెను చీటింగ్ చేశాడు.

గుర్తు తెలియని వ్యక్తి రిక్వెస్ట్..

కొద్దీ రోజుల క్రితం ఓ గుర్తు తెలియని వ్యక్తి సోనాక్షి వర్మకు ఫేస్‌బుక్‌లో ఫ్రెండ్ రిక్వెస్ట్ పంపించాడు. మెరిన్ కిరాక్ పేరుతో వచ్చిన ఆ రిక్వెస్ట్ కి రెస్పాండ్ అయిన సోనాక్షి అతన్ని ఫ్రెండ్ గా యాక్సప్ట్ చేసింది. ఆ తర్వాత అతనితో చాటింగ్ చేయడం, ఫీలింగ్స్ షేర్ చేసుకోవడం లాంటి కార్యక్రమాలు చేసింది.

ఖరీదైన గిఫ్ట్ అంటూ మోసం

మెరిన్ కిరాక్ పేరుతో వచ్చిన ఆ రిక్వెస్ట్ పెట్టింది ఓ నైజీరియన్ వ్యక్తి. సోనాక్షి వర్మను మెల్లగా ముగ్గులోకి దించిన ఆ యువకుడు ఆమెను బాగా నమ్మించాడు. ఫోన్ నెంబర్ కూడా ఇచ్చాడు. పైగా నీకు ఖరీదైన గిఫ్ట్ ఇస్తానంటూ మాయ మాటలు చెప్పి అమ్మడిని బురిడీ కొట్టించాడు. తమ ఫ్రెండ్ షిప్ కు గుర్తుగా ఓ గిఫ్ట్ పంపుతున్నానని, అది ఢిల్లీ ఎయిర్ పోర్ట్ నుంచి నేరుగా హైదరాబాద్ లోని మీ ఇంటికి వస్తుందని ఆమెతో చెప్పాడు.

గిఫ్ట్ వచ్చిందంటూ ఫోన్

ఆ తర్వాత కొన్ని రోజులకు మెరిన్ కిరాక్ పేరుతో మీకు ఓ గిఫ్ట్ వచ్చిందంటూ సోనాక్షి వర్మకు ఫోన్ వచ్చింది. అయితే ఖరీడైయాన్ గిఫ్ట్ కాబట్టి ఆ గిఫ్ట్ కొరియర్ చార్జీల నిమిత్తం 85 వేలు బ్యాంకు ఖాతాలో డిపాజిట్ చేయాలని చెప్పడంతో ఆమె వెంటనే ఆ డబ్బు ఆరెంజ్ చేసి సదరు బ్యాంకు ఖాతాలో జమ చేసింది.

చేతులు కాలాక ఆకులు పట్టుకునే పరిస్థితి

అయితే ఎన్ని రోజులు వేచి చూసినా ఆ గిఫ్ట్ మాత్రం ఇంటికి రాకపోవడంతో అతనికి ఫోన్ చేసింది సోనాక్షి. కానీ ఆ ఫోన్ స్విచ్ ఆఫ్ రావడంతో తాను మోసపోయానని తెలుసుకొని పోలీస్ మెట్లెక్కింది హీరోయిన్. తాను మోసపోయిన విధానాన్ని పేర్కొంటూ సైబర్ పోలీసులకు ఫిర్యాదు చేసింది. కానీ చేతులు కాలాక ఆకులు పట్టుకుంటే ఏం లాభం? మీరే చెప్పండి.