రుద్దు రుద్దు అంటూ...సోప్ యాడ్లో హీరోయిన్ ప్రచారం

By Bojja Kumar

Updated: Thursday, May 15, 2014, 17:56 [IST]

హైదరాబాద్: హార్ట్ ఎటాక్ చిత్రం ద్వారా తెలుగు తెరకు పరిచయమైన భామ ఆదా శర్మ. సినిమాల్లోకి రాక ముందు నుండే ఆదా శర్మ పలు కార్పొరేట్ సంస్థల ఉత్పత్తులకు బ్రాండ్ అంబాసిడర్‌గా పని చేసింది. తాజాగా ఆమె మరో బ్రాండ్‌కు సైన్ చేసింది. గోద్రెజ్ నెం.1 బ్యూటీ సోప్‌ తరుపున ఆమె ఇకపై ప్రచారం చేయనుంది.

హిందీ, తమిళం, తెలుగు వెర్షన్లలో ఆమెతో ఈ యాడ్ ఫిల్మ్ ప్లాన్ చేస్తున్నారు. గోద్రెజ్ నెం.1 బ్యూటీ సోప్‌ మీ బాడీకి రుద్దితే....నాలా అందంగా తయారవుతారు అంటూ ఆదా శర్మ ప్రచారం చేయబోతోంది. ఆదా శర్మ లాంటి అందమైన భామతో తమ సంస్థ తయారు చేస్తున్న సబ్బులను ప్రమోట్ చేయడం ద్వారా అమ్మకాలు పెరుగుతాయని గోద్రెజ్ సంస్థ భావిస్తోంది.

ఆదా శర్మ కేరళలోని పాలక్కాడ్ జిల్లాలో జన్మించింది. ఆమె తండ్రి మర్చంట్ నేవీ కెప్టెన్. మోడలింగుపై ఆసక్తితో అటు వైపు అడుగులు వేసిన ఆదా శర్మ సక్సెస్‌ఫుల్ దూసుకెలుతోంది.