హోమ్

న్యూస్

తొలిప్రేమ ఘనవిజయం సక్సెస్ తర్వాత మెగా హీరో వరుణ్ తేజ్ నటిస్తున్న చిత్రానికి ఘాజీ డైరెక్టర్ సంకల్ప్ రెడ్డి దర్శకత్వం వహిస్తున్నారు. అంతరిక్ష కథా నేపథ్యంగా సాగే చిత్రాన్ని చాలా ప్రతిష్టాత్మకంగా రూపొందిస్తున్నారు. ఈ చిత్రంలో వరుణ్ తేజ్ సరసన అందాల భామలు అదితిరావు హైదరీ, లావణ్య త్రిపాఠి నటిస్తున్నారు. ఈ విషయాన్ని నిర్మాతలు అధికారికంగా వెల్లడించారు.

ఈ చిత్రం ఏప్రిల్ చివరివారంలో సెట్స్‌పైకి వెళ్తుంది. ఈ చిత్రాన్ని ఏడాది చివర్లో విడుదల చేసేందుకు ప్రయత్నిస్తున్నారు. ఈ చిత్రానికి వై రాజీవ్ రెడ్డి, దర్శకుడు క్రిష్ నిర్మాతలుగా వ్యవహరిస్తున్నారు.

అంతరిక్ష నేపథ్యం కావడంతో జీరో గ్రావిటీ పరిస్థితులకు అనుగుణంగా షూటింగ్ చేయాల్సి ఉంటుంది. దానికి కోసం శిక్షణ పొందేందుకు వరుణ్ తేజ్, సంకల్ప్ కజకిస్థాన్ వెళ్తున్నారు. ఈ చిత్రాన్ని అమెరికాలో షూట్ చేయాలని నిర్ణయించారు. జార్జియాలో ప్రత్యేకంగా వేసే సెట్లలో సినిమా చిత్రీకరిస్తారు. యాక్షన్ సీక్వెన్సుల కోసం హలీవుడ్ సాంకేతిక నిపుణులను ఎంపిక చేశారు.

అదితిరావు ప్రస్తుతం సుధీర్‌బాబుతో కలిసి సమ్మోహనం అనే చిత్రంలో నటిస్తున్నారు. ఈ చిత్రానికి ఇంద్రగంటి మోహన్ కృష్ణ దర్శకత్వం వహిస్తున్నారు. ఈ చిత్రం మే చివరి వారంలో గానీ, జూన్ మొదటివారంలో గానీ రిలీజ్ కానున్నది.