Don't Miss!
- News ప్రచారం పక్కనపెట్టి గర్భిణీకి ప్రసవం.. దర్శి టీడీపీ అభ్యర్థికి హ్యాట్సాఫ్!!
- Lifestyle మామిడికాయ పచ్చడిని ఈజీగా ఇలా తయారు చేసుకోండి..
- Sports అనూహ్య ఘటనను ఎదుర్కొన్న రోహిత్ శర్మ
- Finance Adani News: గౌతమ్ అదానీ తిరిగొచ్చిన మంచిరోజులు.. ఆ 5 కంపెనీల్లో సంచలనం..
- Technology OnePlus Flip వన్ప్లస్ ఫ్లిప్ ఫోన్ కీలక వివరాలు లీక్... టెలిఫోటో కెమెరా సహా కీలక ఫీచర్లు..!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
‘మేజర్’ అలా పుట్టింది: లుక్ టెస్ట్ వీడియో రిలీజ్ చేసిన మహేశ్ బాబు
విలక్షణ నటనతో విభిన్నమైన సినిమాలతో మంచి గుర్తింపును తెచ్చుకోవడంతో పాటు వరుస హిట్లను తన ఖాతాలో వేసుకుంటున్నాడు యంగ్ హీరో అడవి శేష్. కెరీర్ ఆరంభంలో పవన్ కల్యాణ్ 'పంజా', రవితేజ 'బలుపు' వంటి సినిమాల్లో విలన్గా నటించిన అతడు.. హీరోగా ఎంట్రీ ఇచ్చి సక్సెస్ అయ్యాడు. ఈ క్రమంలోనే 'క్షణం', 'గూఢచారి', 'ఎవరు' వంటి సూపర్ హిట్ సినిమాలతో దూసుకుపోతున్నాడు. ఈ క్రమంలోనే ప్రస్తుతం అతడు 'మేజర్' అనే సినిమాను చేస్తున్నాడు. తాజాగా ఈ మూవీ లుక్ టెస్ట్ వీడియో రిలీజ్ అయింది.
ముంబైలో జరిగిన ఉగ్రదాడుల్లో వీర మరణం పొందిన మేజర్ సందీప్ ఉన్నికృష్ణన్ జీవిత కథ ఆధారంగా తెరకెక్కుతోన్న చిత్రం 'మేజర్'. శశికిరణ్ తిక్క తెరకెక్కిస్తోన్న ఈ సినిమాను సోనీ పిక్చర్స్ ఇంటర్నేషనల్ ప్రొడక్షన్స్, టాలీవుడ్ సూపర్స్టార్ మహేష్ బాబు నిర్మాణ సంస్థ జి మహేష్బాబు ఎంటర్టైన్మెంట్ సంయుక్తంగా నిర్మిస్తున్నాయి. ఈ నేపథ్యంలోనే తాజాగా ఈ సినిమాకు సంబంధించిన లుక్ టెస్ట్ వీడియోను మహేశ్ బాబు విడుదల చేశాడు. అలాగే, చిత్ర యూనిట్కు బెస్ట్ విసెష్ తెలియజేశాడు.
తాజాగా విడుదలైన వీడియోలో అసలు మేజర్ సినిమా పుట్టుకకు కారణం ఏమిటి అన్న దానిపై హీరో అడవి శేష్ వివరించాడు. ఈ సినిమాకు కథ సహకారం అందించిన అతడు.. మేజర్ ఉన్నికృష్ణన్ జీవితంపై చేసిన రీసెర్చ్, ఆయన కుటుంబ సభ్యుల పర్మీషన్ కోసం పడిన కష్టం సహా తదితర విషయాలను వెల్లడించాడు. ఈ వీడియోకు బ్యాగ్రౌండ్ స్కోర్ మరింత వన్నె తెచ్చింది. ఇదిలాఉండగా, 'మేజర్'ను పాన్ ఇండియా లెవెల్లో తెరకెక్కిస్తున్నారు. డిసెంబర్ 17న ఈ చిత్రం ఫస్ట్ లుక్ పోస్టర్ రిలీజ్ చేయబోతున్నారు.