శేఖర్ కమ్ముల బాలీవుడ్ సినిమా ఇదా?

By Staff

Published: Saturday, March 14, 2026, 1:13 [IST]

శేఖర్ కమ్ముల హిందీలో సినిమా చేయబోతున్నారనే వార్త ఆ మధ్య చాలా మందిలో సంతోషాన్ని నింపింది. ఆయనేం సబ్జెక్టును అక్కడ డీల్ చేయబోతున్నారు. వర్మలా ఆయన అక్కడే సెటిల్ అవుతాడా అంటూ రకరకాల చర్చలకు తావిచ్చింది. అయితే శేఖర్ కమ్ముల సేఫ్ గా ఉండేదుకు హ్యాపీడేస్ సినిమానే రీమేక్ చేస్తున్నారని విశ్వసనీయంగా తెలుస్తోంది. అయితే ఈ సినిమాని యాడ్ ల్యాబ్స్ వారితో కలసి చేయబోతున్నారని తెలుస్తోంది.
దానికి వారు ఐదు కోట్ల రూపాయలు రీమేక్ రైట్స్ కీ,రెమ్యునేషన్ కీ ఇస్తున్నట్లు సమాచారం. అయితే నటులు ఎంపిక ఎలా జరుగుతుందని తెలియరాలేదు. ఫిల్మ్ ఇనిస్టిట్యూట్స్ నుంచి ఎంపిక చేద్దామని యాడ్ ల్యాబ్స్ వారు ప్రపోజ్ చేస్తున్నట్లు సమాచారం. ఇక ఇప్పటికే ఈ సినిమా తమిళ రైట్స్ తీసుకున్న ప్రకాష్ రాజ్ ప్రి ప్రొడక్షన్ లో బిజీ గా ఉన్నారు. తమన్నా నే తమిళంలోనూ చేయబోతోంది. మొత్తానికి తెలుగు సినిమా అప్పుడప్పుడూ వెలిగిపోతోంది.

More from Filmibeat