మాది తప్పే..క్షమించండి: నిర్మాత

By Staff

Published: Saturday, January 24, 2009, 14:12 [IST]

నేపాల్‌ అంతటా హిందీ సినిమా చాందినీచౌక్‌ టు చైనా'పై నిరసన జ్వాలలు వెల్లువెత్తుతున్నాయి. బుద్ధుడు భారతదేశంలో పుట్టాడని తప్పుడు సమాచారాన్ని ఆ సినిమా ప్రచారం చేస్తున్నట్లు ఆరోపిస్తూ వెంటనే ఆ చిత్రంపై నిషేధం ప్రకటించింది నేపాల్ ప్రభుత్వం. అంతేగాక చిత్రాన్ని ప్రదర్శిస్తున్న ఇతర దేశాలను కూడా నిషేధించవలసిందిగా కోరుతోంది. బుద్ధుడు నేపాల్‌లోని లుంబినీ పట్టణంలో పుట్టాడు. ఆ కారణంగా లుంబినికి ప్రపంచవ్యాప్తంగా ఉన్న బౌద్ధులలో అత్యంత భక్తి, ఆదరణలున్నాయి. కాగా చిత్ర నిర్మాత రమేశ్‌ సిప్పీ ఈ విషయమై బౌద్ధులకు క్షమాపణలు తెలియజేసాడు.

ఇది తెలియక చేసిన తప్పేనని, తనతో పాటు చిత్రానికి పనిచేసిన నటీనటులు, సిబ్బంది అంతా బాధపడుతున్నారని నేపాల్‌ రాయబార కార్యాలయానికి పంపిన ప్రకటనలో తెలిపారు.అయినా వారు శాంతించటం లేదు.అయినా ఇండియన్ గవర్నమెంట్ ఆ దర్శక,నిర్మాతలను వెంటనే సినిమాలో మిస్ లీడ్ చేసే ఆ సన్నివేశాలు తొలిగించాలని నేపాల్ ఎంబసి పట్టుపడుతోంది. ఇక పైరసీ ద్వారా చేరుతున్న ఈ సినిమాలో ఆ సన్నివేశాలు చూసి నేపాల్ ప్రజలు కూడా మండిపడుతున్నారని ఓ ప్రకటనలో తెలిపారు.

ఇవన్నీ ఒకత్తయితే నేపాల్ జర్నలిస్ట్ అశోశియోషన్ వారు ఆ డైరక్టర్,స్క్రిప్ట్ రైటర్స్ వెంటనే క్షమాపణ తన జాతికి చెప్పాలని డిమాండు చేస్తూ ఆందోళన చేస్తున్నారు. ఓ ప్రక్క సినిమాకు ప్లాఫ్ టాక్ వచ్చిందని బాధ పడుతున్న ఈ సినిమాలో ఇలా ఆందోళనలు చెలరేగటం చాలా విచిత్రమైన సిట్యువేషన్ అని బాలీవుడ్ సీనియర్స్ వ్యాఖ్యానిస్తున్నారు.అక్షయ్ కుమార్,దీపికా పడ్కోని జంటగా చేసిన ఈ సినిమా నిఖిల్ అధ్వానీ డైరక్ట్ చేయగా శ్రీధర్ రాఘవన్ స్క్రిప్టు అందించాడు. ప్రముఖ పంపణీ దారులు వార్నర్ బ్రదర్స్ వారు సహ నిర్మాతగా వ్యవహిస్తూ...ప్రపంచమంతటా డిస్ట్రిబ్యూట్ చేస్తున్నారు.

More from Filmibeat