30 ఏళ్ల క్రితం తల్లీకొడుకులుగా, ఇప్పుడెంటో.. మహేష్‌తో సినిమాలో క్రేజీ హీరోయిన్!

30 ఏళ్ల క్రితం

సూపర్ స్టార్ కృష్ణ, విజయ శాంతి జంటగా నటించిన కొడుకు దిద్దిన కాపురం చిత్రం 1989లో విడుదలై ఘనవిజయం సాధించింది. ఈ చిత్రంలో విజయశాంతి, మహేష్ తల్లీకొడుకులు నటించారు. మహేష్ ఈ చిత్రంలో చైల్డ్ ఆర్టిస్ట్‌గా మంచి నటన కనబరిచాడు. ఆ తర్వాత మహేష్, విజయశాంతి మరో చిత్రంలో నటించలేదు. 30 ఏళ్ల తర్వాత వీరిద్దరిని ఒకే ప్రేములో వెండి తెరపై చూడబోయే అవకాశం రాబోతున్నట్లు వార్తలు వస్తున్నాయి.

కీలక పాత్రలో

మహర్షి చిత్రం తర్వాత అనిల్ రావిపూడి దర్శత్వంలో మహేష్ బాబు నటించబోతున్నాడు. ఈ చిత్రంలో కీలక పాత్రల కోసం అనిల్ రావిపూడి కొంతమంది క్రేజీ నటుల్ని ఒప్పించే ప్రయత్నాల్లో ఉన్నట్లు తెలుస్తోంది. ఈ మేరకు అనిల్ రావిపూడి విజయశాంతిని కలసినట్లు వార్తలు వస్తున్నాయి. కన్నడ స్టార్ హీరో ఉపేంద్ర కూడా ఈ చిత్రంలో నటించబోతున్నట్లు తెలుస్తోంది. ఎఫ్ 2 చిత్రంలో ఘనవిజయం తర్వాత అనిల్ రావిపూడి టాలీవుడ్‌లో స్టార్ డైరెక్టర్‌గా మారిపోయాడు.

అఖిల్ హీరోయిన్ పెళ్లి.. గుట్టుచప్పుడు కాకుండా హైదరాబాద్‌లో .. సంజయ్ దత్ స్పెషల్ ఎట్రాక్షన్!

యంగ్ హీరోయిన్స్

ఈ చిత్రంలో మహేష్ సరసన యంగ్ బ్యూటీ రష్మిక మందన నటించబోతున్నట్లు వార్తలు వస్తున్నాయి. ఈ చిత్రం కూడా దిల్ రాజు నిర్మాణంలో తెరకెక్కనున్నట్లు తెలుస్తోంది. ప్రస్తుతం మహర్షి చిత్ర చిత్రీకరణ చివరిదశలో ఉంది. మహర్షి చిత్రం మే 9న ప్రేక్షకుల ముందుకు రానుంది. ఈ చిత్రానికి దిల్ రాజే నిర్మాత. దిల్ రాజు, అశ్వినీదత్ సంయుక్త నిర్మాణంలో ఈచిత్రం తెరకెక్కుతోంది.

రద్దయిన క్రేజీ ప్రాజెక్ట్

వాస్తవానికి మహర్షి చిత్రం తర్వాత మహేష్ సుకుమార్ దర్శత్వంలో నటించాల్సి ఉంది. క్రియేటివ్ డిఫరెన్సెస్ వల్ల ఈ చిత్రంలో నటించడం లేదు అంటూ మహేష్ ప్రకటించాడు. దీనితో సుకుమార్ అల్లు అర్జున్‌తో ఓ చిత్రానికి రెడీ అవుతున్నాడు. తొలిసారి మహేష్ లాంటి సూపర్ స్టార్ ని డైరెక్ట్ చేసే అవకావం దక్కించుకున్న అనిల్ రావిపూడి ఎలాంటి మ్యాజిక్ చేస్తాడో చూడాలి.