రాకెట్ స్పీడ్‌తో రానా.. ప్రభాస్ ‘స్లో అండ్ స్టడీ’.. బాహుబలి తర్వాత సీన్ ఇదే..

దూసుకెళ్తున్న రానా

బాహుబలి రిలీజై ఆరునెలలకు పైగా కావోస్తున్నా ప్రభాస్ నటించిన ఒక్క సినిమా కూడా రిలీజ్ కాలేదు. కానీ రానా మాత్రం వరుస చిత్రాలతో దూసుకెళ్తున్నాడు. బాహుబలి తర్వాత ఘాజీ, నేనే రాజు నేనే మంత్రి చిత్రాలతో రానా ఆలరించాడు. వరుస హిట్ల తర్వాత డిఫరెంట్ కథాంశంతో చిత్రాలను ఎంపిక చేసుకొంటూ జాతీయ మీడియాను ఆకర్షిస్తున్నాడు.

పక్కా ప్రణాళికతో భల్లాళదేవ

1945, హాథీ మేరా సాథీ రీమేక్, మరట్వాడా రాజా బయోపిక్ చిత్రాలను రానా దగ్గుబాటి ఇటీవల అంగీకరించాడు. ఈ చిత్రాలను చూస్తే రానా పక్కా ప్రణాళికతోనూ ముందుకెళ్తున్నట్టు కనిపిస్తున్నది. ఈ మూడు చిత్రాలు కూడా వేటికి అవే విభిన్నంగా కనిపిస్తున్నాయి.

1945 చిత్రంలో జవాన్‌గా

తెలుగు, తమిళ, హిందీ భాషల్లో రూపొందుతున్న 1945 చిత్రంలో రానా దగ్గుబాటి స్వాతంత్ర్య ఉద్యమంలో పోరాటం చేసిన సైనికుడిగా నటిస్తున్నాడు. సుభాస్ చంద్రబోస్ స్థాపించిన ఆజాద్ హింద్ ఫౌజ్‌లో జవాన్‌గా కనిపించనున్నారు. 1945 కాలం నాటి పరిస్థితుల ఆధారంగా ఈ చిత్రం తెరకెక్కుతున్నది.

మహారాజు మరట్వాడ వర్మగా

రానా అంగీకరించిన చిత్రం అనిజమ్ థిరునాల్ మరట్వాడ వర్మ.. ది కింగ్ ఆఫ్ ట్రావంకోర్'. ఈ చిత్రంలో ట్రావంకోర్ మహారాజు మరట్వాడ వర్మ పాత్రలో కనిపించనున్నారు. ఈ చిత్రం కూడా చరిత్ర ఆధారంగా రూపొందుతున్నది.

హాథీ మేరే సాథీ చిత్రంలో

1971లో బాలీవుడ్‌లో విశేష ప్రేక్షకాదరణను చూరగొన్న చిత్రం హాథీ మేరే సాథీ. ఈ చిత్రంలో సూపర్‌స్టార్ రాజేష్ ఖన్నా హీరోగా నటించారు. ఆ ఏడాదిలో బాలీవుడ్ రికార్డులను తిరగరాసింది. ప్రస్తుతం ఆ చిత్ర రీమేక్‌లో రానా దగ్గుబాటి నటిస్తున్నాడు. దేశంలోని సినీ అభిమానులందర్ని ఆకట్టుకునే కథా చిత్రంలో నటించాలన్న లక్ష్యంతో సినిమాలను ఎంపిక చేసుకొంటున్నానని రానా ట్వీట్ చేశారు.

సాహో చిత్రంతో ప్రభాస్

ఇక ప్రభాస్ విషయానికి వస్తే బాహుబలి తర్వాత చాలా సమయం తీసుకొని సాహో చిత్రంలో నటిస్తున్నాడు. ఈ చిత్రం వచ్చే ఏడాది ప్రేక్షకుల ముందుకు వచ్చే అవకాశం ఉంది. అంటే బాహుబలి తర్వాత ఓ ఏడాదికి పైగానే ప్రభాస్ సమయం తీసుకొంటున్నాడు.

చారిత్రాత్మకంగా చిత్రంగా సాహో

మీడియా కథనాల ప్రకారం.. సాహో చిత్రం బ్రిటీష్ పాలిత భారత్‌లో జరిగిన సంఘటనల నేపథ్యంగా తెరకెక్కుతున్నట్టు సమాచారం. ఈ చిత్ర కథ స్వాతంత్యానికి పూర్వం, తర్వాత అనే కథాంశంతో రూపొందుతున్నది. సాహో చిత్రం తర్వాత ప్రభాస్ సినిమా ఏమిటనే ఇప్పటికీ క్లారిటీ లేదు. కానీ మైత్రీ మూవీ మేకర్స్ సంస్థలో రూపొందించే చిత్రంలో నటించేందుకు గ్రీన్ సిగ్నల్ ఇచ్చినట్టుగా తెలుస్తున్నది.