Don't Miss!
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
మాఫియా బెదిరింపులు: భయం గుప్పిట్లో సినీ స్టార్స్
ముంబై: ముంబై అండర్ వరల్డ్ మాఫియా మళ్లీ రెచ్చి పోతోంది. సినీ తారలను టార్గెట్ చేస్తూ వారిని భయ భ్రాంతులకు గురి చేస్తోంది. బాలీవుడ్ మూవీ ‘హ్యాపీ న్యూ ఇయర్' చిత్రంలో నటిస్తున్న షారుక్ ఖాన్, బోమన్ ఇరానీలకు ఇటీవల మాఫియా డాన్ రవి పుజారి గ్యాంగ్ నుండి బెదిరింపు కాల్స్ వచ్చాయి. తాజాగా నటుడు సోను సూద్ను టార్గెట్ చేస్తూ బెదిరింపులకు పాల్పడ్డారు.
రవి పుజారి గ్యాంగ్ ‘హ్యాపీ న్యూ ఇయర్' చిత్రంలో నటిస్తున్న వారినే టార్గెట్ చేయడం వెనక ఓ బలమైన కారణం వినిపిస్తోంది. ఈ చిత్రాన్ని నిర్మిస్తున్న కరిమ్ మోరానీతో ఓ విషయంలో రవి పుజారి విబేధించారని సమాచారం. ఈ క్రమంలోనే నిర్మాత ఇంటిపై ఇటీవల గుర్తు తెలియని వ్యక్తులు వచ్చి కాల్పులు జరిపారు.
ఇంతటితో ఆగకుండా ‘హ్యాపీ న్యూ ఇయర్' సినిమాలో నటిస్తున్న నటీనటులకు కూడా ఫోన్లు చేసి బెదిరిస్తోంది రవి పూజారి గ్యాంగ్. ఈ నేపథ్యంలో సదరు నటీనటుల ఇంటి వద్ద పోలీసులు పటిష్టమైన భద్రత ఏర్పాటు చేసారు. ఆయుధాలు కలిగిన పోలీసులు సివిల్ డ్రెస్సుల్లో సంచరిస్తూ రవి పుజారి గ్యాంగ్పై నిఘా పెట్టారు.
ఒకప్పుడు మాఫియా డాన్ దావూద్ ఇబ్రహం ముంబైలో ఇలాంటి చర్యలకు పాల్పడి....పలు దారుణాలకు పాల్పడ్డాడు. చాలా కాలం తర్వాత మళ్లీ ముంబైలో మాఫియా ఆగడాలు వెలుగులోకి రావడం, బెదిరింపులకు పాల్పడటం సినీ రంగానికి చెందిన వారిని భయం గుప్పిట్లోకి నెట్టి వేసింది.