పవన్ కళ్యాణ్ ‘అజ్ఞాతవాసి’ టీజర్ డేట్ ఫిక్స్, ఎప్పుడంటే..?

టీజర్ రిలీజ్ డేట్ ప్రకటించారు

‘అజ్ఞాతవాసి' సినిమా టీజర్ డిసెంబర్ 16వ తేదీన విడుదల చేయబోతున్నట్లు చిత్ర యూనిట్ ప్రకటించింది. ఈ మేరకు ఈ విషయాన్ని ఖరారు చేస్తూ కొత్త పోస్టర్ రిలీజ్ చేశారు.

నేరుగా పాటల విడుదల, ఆడియో ఫంక్షన్ లేదు

‘అజ్ఞాతవాసి' సినిమాకు ఆడియో ఫంక్షన్, ప్రీ రిలీజ్ ఫంక్షన్ లాంటివి ఏమీ నిర్వహించడం లేదు. పవన్ కళ్యాణ్ రాజకీయాలతో బిజీగా ఉండటమే ఇందుకు కారణం. దీంతో నేరుగా ఆడియో మార్కెట్లోకి విడుదల చేయాలని డిసైడ్ అయ్యారు. ఇప్పటికే విడుదలైన రెండు పాటలకు మంచి రెస్పాన్స్ వస్తోంది.

హిట్ కాంబినేషన్

పవన్ కళ్యాణ్, త్రివిక్రమ్ కాంబినేషన్ అంటే సూపర్ హిట్టే. గతంలో ఈ ఇద్దరి కాంబినేషన్లో వచ్చిన ‘జల్సా', ‘అత్తారింటికి దారేది' చిత్రాలు భారీ విజయం సాధించిన సంగతి తెలిసిందే. ‘అజ్ఞాతవాసి' సినిమాతో వీరు హ్యాట్రిక్ కొట్టడం ఖాయం అంటున్నారు అభిమానులు.

పవన్ కళ్యాణ్, కీర్తి సురేష్, అను ఇమ్మాన్యుయేల్

ఈ చిత్రంలో పవన్ కళ్యాణ్‌కు జోడీగా కీర్తి సురేష్, అను ఇమ్మాన్యూయేల్ నటిస్తున్నారు. వీరి మధ్య వచ్చే రొమాంటిక్ సీన్లు ప్రేక్షకులను ఆకట్టుకుంటాయని అంటున్నారు.

సంక్రాంతి రిలీజ్

హారిక్ అండ్ హాసిని క్రియేషన్స్ పతాకంపై ఈ చిత్రం తెరకెక్కుతోంది. అనిరుధ్ రవిచందర్ సంగీతం అందిస్తున్నారు. 2018జ నవరి 10న ఈ చిత్రాన్ని విడుదల చేసేందుకు ప్లాన్ చేస్తున్నారు.