హేమా మాలిని కూతురు పెళ్లి డేట్ ఫిక్సయింది (ఫోటోలు)

By Bojja Kumar

Published: Tuesday, November 5, 2013, 15:57 [IST]

ముంబై : బాలీవుడ్ స్టార్స్ హేమా మాలిని, ధర్మేంద్రల చిన్న కూతురు అహానా డియోల్ ఎంగేజ్మెంట్ ఢిల్లీకి చెందిన బిజినెస్ మేన్ వైభవ్ వోరాతో జూన్ నెలలో జరిగిన సంగతి తెలిసిందే. తాజాగా వీరి పెళ్లి డేట్ ఫిక్సయింది. ఫిబ్రవరి 2న ముంబైలోని జుహులో అహనా-వైభవ్ వివాహ మహోత్సవం జరుగనుంది.

తల్లిదండ్రులు ధర్మేంద్ర, హేమమాలిని, సోదరి ఇషా డియోల్‌లా బాలీవుడ్ దారి పట్టకుండా తనదైన ప్రత్యేక దారిని ఎంచుకుంది అహనా. ఆమె ఒడిస్సీ నృత్య కళాకారిణి, ఫ్యాషన్ డిజైనర్. వైభవ్ వోరాతో అహనా డియోల్ స్నేహితులు. స్నేహం కాస్త ప్రేమగా మారి జీవిత భాగస్వాములు కాబోతున్నారు.

గత సంవత్సరం ఆమె సోదరి ఇషా డియోల్ వివాహం భరత్ తక్తాని అనే బిజినెస్ మేన్‌తో జరిగిన సంగతి తెలిసిందే. అహనా డియోల్, వైభవ్ వోరా ఇషా-భరత్ పెళ్లి సందర్బంగా పరిచయం అయ్యారు. అహానా-వైభవ్ మధ్య ఉన్న ప్రేమ వ్యవహారం ఇరు కుటుంబాలకు తెలియడంతో ఇద్దరినీ ఏకం చేసారు.

అహనా డియోల్

అహనా డియోల్ బాలీవుడ్ స్టార్స్ ధర్మేంద్ర, హేమా మాలిని చిన్న కుమార్తె. ఇక్కడ కనిపిస్తున్న ఫోటో ఆమె సోదరి ఇషా డియోల్ ఎంగేజ్మెంట్ పార్టీ సందర్భంలోనిది.

ఇషా వెడ్డింగులో అహనా

తన సోదరి ఇషా డియోల్ వెడ్డింగ్ సందర్భంగా అహనా డియోల్ ఇలా సాంప్రదాయ దుస్తుల్లో దర్శనం ఇచ్చింది.

తన ఫియాన్స్ వైభవ్ వోరాతో...

తన ఫియాన్స్ వైభవ్ వోరాతో, తల్లిదండ్రులు ధర్మేంద్ర, హేమా మాలినిలతో కలిసి అహనా డియోల్. జూన్ నెలలో జరిగిన అహనా-వైభవ్ ఎంగేజ్మెంట్ వేడు సందర్భంలోని ఫోటో ఇది.