పూరి కి ట్విస్ట్ ఇచ్చి, రామ్ కు రాం..రాం చెప్పి, బికినీతో భారీ ఆఫర్

By Srikanya

Updated: Thursday, March 3, 2016, 12:41 [IST]

ముంబై: కొందరు హీరోయిన్స్ కెరీర్ చాలా చిత్రంగా మొదలవుతుంది. కెరీర్ ప్రారంభంలో చాలా సినిమాలు మొదలవుతాయి, ఆగిపోతాయి.స్టార్ డమ్ వచ్చేవరకూ ఏదీ నికరం ఉండదు. మోడలింగ్ లో ఓ స్దాయికి చేరి సినిమా ఫీల్డ్ లో దెబ్బలు తిని ఇప్పుడిప్పుడే నిలదొక్కుకునే ప్రయత్నాలు చేస్తున్న ఆయేషా శర్మ గురించి ఇదంతా. నేహా శర్మ చెల్లెలు.

ఆయేషా శర్మా..ఎక్కడో ఈ పేరు విన్నాము అంటారా... అదేనండీ ఆ మధ్యన పూరి జగన్నాథ్ 'రోగ్' టైటిల్ తో తెలుగు, కన్నడలో ఓ సినిమా మొదలెట్టారు. ఆల్రెడీ షూటింగ్ కూడా ప్రారంభం చేసారు. నిర్మాత సిఆర్ మనోహర్ అన్న కొడుకు ఇషాంత్ ఇషాన్ ను హీరోగా పరిచయం చేస్తూ 'రోగ్' మూవీ తెరకెక్కిస్తూ ఈమెను హీరోయిన్ గా తీసుకున్నారు. అయితే ఏం జరిగిందో ఏమో రోగ్ కు బై చెప్పేసింది.

అయితే ఆమె ఎందుకు తప్పుకుంది అనే విషయంపై ఇంకా స్పష్టత రాలేదు. డేట్స్ అడ్జెస్ట్ చేయడం సమస్య వల్లనే ఆమె తప్పుకున్నట్లు వార్తలు వినిపించాయి. ఫస్ట్ షెడ్యూల్ లో ఐషా శర్మ తో బ్యాంకాక్ లో కొంత షూటింగ్ కూడా చేసారు. మరి ఎందుకు ఇలా జరిగింది అనేది తెలియాల్సి ఉంది.

ఇంతే కాదు అంతకు ముందు కూడా హీరో రామ్ 'శివం' మూవీలో కూడా ఐషా శర్మ హీరోయిన్ గా ఎంపికైంది కానీ ప్రాజెక్టు మొదలవ్వక ముందే తప్పుకుంది.ఇలా ఇక్కడ ఎడ్జెస్ట్ అవ్వలేక వెళ్లిపోయిన ఆమె దృష్టి మొత్తం బాలీవుడ్ పై పెట్టింది. వరుణ్ ధావన్ సరసన జుద్వా 2 లో ఆమె ఎంపికైంది. ఆమెను ఈ సినిమాలోకి తీసుకోవటానికి ప్రధాన కారణం..ఆమె బికినీలో ఫొటోలే అని చెప్తున్నారు. సినిమాలో ఆ తరహా సీన్స్ ఉండటంతో ఆమెను ఫైనలైజ్ చేసినట్లు తెలుస్తోంది.

బికినీ ఫొటోల్లో ఈ భామను చూస్తూ మరిన్ని విశేషాలు చదవండి...