కాన్స్ ఫిల్మ్‌ఫెస్ట్ : ఐశ్వర్య అందం అదిరింది.. (ఫోటోలు)

By Bojja Kumar

Published: Monday, May 20, 2013, 12:28 [IST]

హైదరాబాద్ : అందాల తార ఐశ్వర్యరాయ్ కాన్స్ ఫిల్మ్ ఫెస్టివల్‌లో ఎలాంటి డ్రెస్‌లో దర్శనం ఇస్తుందో? ఎంత అందంగా కనిపిస్తుందో అని ఎదురు చూస్తున్న అభిమానుల నిరీక్షణకు తెరదింపుతూ ఐష్ ఎంట్రీ అదిరింది. గతంలో కంటే చాలా బరువు తగ్గిన ఐశ్వర్య అందాల దేవతగా రెడ్ కార్పెట్‌పై ఒయ్యారాలు ఒలికించి అందరినీ మంత్రముగ్దుల్ని చేసింది.

కాన్స్‌లో Inside Llewyn Davis చిత్ర ప్రీమియర్ షోకి హాజరైన ఐశ్వర్యరాయ్ బ్లాక్ ఎలీ సాబ్ డ్రెస్ ధరించింది. ఈ డ్రెస్ లో ఐశ్వర్య భువినుంచి దివికి వచ్చిన అందాల దేవతలా ఉందని అభిమానులు అంటున్నారు. అదే విధంగా భారతీయ సినిమా 100 ఏళ్లు పూర్తయిన సందర్భంగా గౌరవ అతిథిగా హాజరైన ఐష్ సాబియాసాచి ముఖర్జీ డిజైన్ చేసిన గోల్డెన్ వర్క్‌ చేసిన బ్లాక్ సారీ ధరించింది.

ఈ సారి కాన్స్ ఫిల్మ్ ఫెస్టివల్‌కి హాజరవడంతో ఐష్ మొత్తం 12 సార్లు కాన్స్ ఫెస్టివల్‌లో పాల్గొన్నట్లయింది. ఐశ్వర్య తొలిసారిగా సంజయ్ లీలా బన్సాలీ దర్శకత్వంలో వచ్చిన 'దేవదాస్' ప్రీమియర్ షో సందర్భంగా కాన్స్ ఫిల్మ్ ఫెస్టివల్‌లో అడుగు పెట్టింది. కాన్స్ ఫిల్మ్ ఫెస్టివల్‌లో ఐశ్వర్య రాయ్ ఫోటోలను స్లైడ్ షోలో వీక్షించండి..