'అటునుంచి నరుక్కురా!'

By Staff

| Published: Friday, July 4, 2008, 10:23 [IST]

మనం యేదైనా ఒకటి అనుకుని వర్కవుట్ చేస్తే పనవ్వకపోతే సర్లే...'అటునుంచి నరుక్కురా' అని చెబుతూంటాం. ఇప్పుడు అదే టైటిల్ తో ఒక సినిమా రానుంది. 'ఆ నలుగురు' తో రచయితగా ఎంట్రీ ఇచ్చి 'పెళ్ళైన కొత్తలో' సినిమాతో దర్శకుడుగా ప్రమోషన్ సంపాదించిన మదన్ ఈ సినిమా చేస్తున్నాడు. హీరో ఎవరో కాదు అజయ్. విలన్ గా చాలా సినిమాల్లో చేసిన ఈ కుర్రాడు ఈ సినిమాతో హీరోగా మారుతున్నాడు.

ఆగష్టు మొదటి వారంలో మొదలవనున్న ఈ సినిమాపై పరిశ్రమలో మంచి అంచనాలు యోర్పడుతున్నాయి. అయితే మదన్ ...ఉదయ్ కిరణ్ హీరోగా రూపొందించిన 'గుండె జల్లుమంది' రిలీజు కాకమునుపే ఈ సినిమాకి కొబ్బరికాయ కొట్టబోతూండటంతో అందరిలో ఒక రకమైన ఆసక్తి బయిలుదేరుతోంది. అంటే ఉదయ్ కిరణ్ తో వర్కవుట్ కాలేదు అందుకే మదన్ అజయ్ వైపు నుంచి నరుక్కొద్దామని ప్రయత్నం చేస్తున్నాడంటున్నారు.