చిర్రెత్తిపోయిన ‘ఆర్ఎక్స్ 100’ డైరెక్టర్, ఒక్క ట్వీటుతో మూయించాడు!

వరుస రూమర్లతో చిర్రెత్తిపోతున్న డైరెక్టర్

ఇటీవల అజయ్ అక్కినేని స్టార్ నాగ చైతన్యను కలిశాడని.. తన వద్ద ఉన్న కథ చెప్పాడని.. ఇందలో చై పోలీస్ పాత్రలో కనిపించబోతున్నాడని... పుకార్లు షికార్లు చేశాయి. అయితే తన నుంచి ఎలాంటి ప్రకటన రాకుండానే మీడియాలో ఈ రూమర్స్ స్ప్రెడ్ అవ్వడంపై ఈ యంగ్ డైరెక్టర్‌కు ఆగ్రహం తెప్పించింది.

ఎప్పుడు, ఎవరితో, ఎలా తీయాలో నాకు తెలుసు

తన తర్వాతి సినిమా గురించి వస్తున్న రూమర్లను అజయ్ భూపతి ట్విట్ ద్వారా కట్టడి చేసే ప్రయత్నం చేశారు. ‘నా రెండో సినిమా ఎప్పుడు, ఎవరితో, ఎలా తీయాలో నాకు తెలుసు. దయచేసి వదంతుల్ని ఇక ఆపండి' అని పేర్కొన్నారు. ఏ విషయం అయినా తానే స్వయంగా ప్రకటిస్తానని తెలిపారు.

తర్వాతి సినిమాపై పెరిగిన అంచనాలు

అజయ్ భూపతి మీద మీడియాలో ఇంత ఫోకస్ రావడానికి కారణం ‘ఆర్ఎక్స్ 100' బాక్సాఫీసు వద్ద సంచలన విజయం అందుకోవడమే. తొలి మూవీ సక్సెస్ ఎఫెక్ట్ అతడి తర్వాతి సినిమాపై పడింది. నెక్ట్స్ ఎలాంటి సినిమా చేయబోతున్నాడనే అంచనాలు పెరిగాయి.

ఆర్ఎక్స్ 100

కార్తికేయ, పాయల్ రాజ్‌పుత్ జంటగా రూపొందిన ‘ఆర్ఎక్స్ 100' గతేడాది జులైలో విడుదలైంది. కేవలం రూ. 2 కోట్ల బడ్జెట్లో రూపొందిన ఈ చిత్రం బాక్సాఫీసు వద్ద రూ. 30 కోట్లకు పైగా వసూలు చేసి అందరినీ ఆశ్చర్య పరిచింది.