రాంచరణ్, ఎన్టీఆర్ కోసం క్రేజీ బాలీవుడ్ హీరో, అంతా సస్పెన్స్.. రాజమౌళితో గతంలోనే!

Recommended Video

#RRRShootBegins : Rajamouli Shares RRR Movie Shooting Stills | Filmibeat Telugu

సౌత్ ఇండియాలోనే

రాజమౌళి లాంటి బడా దర్శకుడి చిత్రంలో ఎన్టీఆర్, రాంచరణ్ నటిస్తుండడంతో ఈ చిత్రం సౌత్ లోనే క్రేజీ మల్టీస్టారర్ గా మారిపోయింది. బాహుబలి చిత్రాన్ని మించేలా 300 కోట్ల బడ్జెట్ తో ఈ చిత్రాన్ని నిర్మిస్తున్నారు. రాజమౌళి సినిమాల్లో కాస్టింగ్ కూడా భారీ స్థాయిలో ఉంటుంది. ఈ చిత్రంలో కీలక పాత్రల కోసం రాజమౌళి పెద్ద స్టార్స్ ని సంప్రదిస్తున్నట్లు వార్తలు వస్తున్నాయి.

బాలీవుడ్ హీరో పేరు

ఆర్ఆర్ఆర్ లో కీలక పాత్ర కోసం రాజమౌళి బాలీవుడ్ స్టార్ హీరో అజయ్ దేవగన్ పేరు పరిశీలిస్తున్నాడట. అత్యంత ప్రాధాన్యత ఉన్న ఈ పాత్ర అజయ్ దేవగన్ బాడీ లాంగ్వేజ్ కు సరిపోయే విధంగా ఉంటుందని అంటున్నారు. రాజమౌళి ఇప్పటికే అజయ్ దేవగన్ ని సంప్రదించినట్లు బాలీవుడ్ మీడియాలో వార్తలు వస్తున్నాయి. అజయ్ దేవగన్ రాజమౌళి దర్శత్వంలో ఇంతవరకు నటించకపోయినా ఈగ డబ్బింగ్ కోసం తన గళాన్ని అందించారు. ఆ విధంగా రాజమౌళి, అజయ్ దేవగన్ మధ్య సాన్నిహిత్యం ఉంది.

మరింత భారీగా

ఇక అజయ్ దేవగన్ ఎలాంటి పాత్రలో కనిపించబోతున్నాడు అనేది మాత్రం ఇప్పటికి సస్పెన్సే. రాంచరణ్, ఎన్టీఆర్, రాజమౌళి కాంబినేషన్ కు అజయ్ దేవగన్ కూడా తోడైతే జాతీయ వ్యాప్తంగా ఈ చిత్రం మరింత పెద్దదిగా మారుతుంది అని చెప్పడంలో సందేహం లేదు. ఈ వార్త గురించి అధికారిక ప్రకటన విడుదలయ్యేవరకు వేచి చూడాల్సిందే. మరో వైపు విలన్ పాత్రలో కన్నడ హీరో యశ్ పేరు వినిపిస్తోంది.

అన్నదమ్ములుగా

ఆర్ఆర్ఆర్ చిత్ర కథ గురించి అనేక వార్తలు ప్రచారం జరుగుతున్న సంగతి తెలిసిందే. స్వాతంత్ర సమరం 1920 నాటి పరిస్థితుల నేపథ్యంలో ఈ చిత్రం ఉంటుందని ఊహాగానాలు వినిపిస్తున్నాయి. అదే విధంగా ఈ చిత్రంలో చరణ్, ఎన్టీఆర్ అన్నా దమ్ములుగా కనిపించనున్నారట. డివివి దానయ్య నిర్మిస్తున్న ఈ చిత్రానికి కీరవాణి సంగీతం అందిస్తున్నారు.