‘రైడ్’ ట్రైలర్: రియల్ స్టోరీతో... సినిమా అదిరిపోయేలా ఉంది!

ట్రైలర్ అదుర్స్

తాజాగా విడుదలైన ‘రైడ్' ట్రైలర్ అదిరిపోయే విధంగా ఉంది. సినిమాపై అంచనాలు మరింత పెంచింది. ట్రైలర్ విడుదలైన కొన్ని గంటల్లోనే లక్షలాది మంది వీక్షించారు. గవర్నమెంట్ ఆఫీసర్లు వెళ్లడానికి భయపడే అవినీతి పరులను ఓ ఇన్ కం టాక్స్ ఆఫీసర్ ఎలా ఎదుర్కొన్నాడు అనేది చిత్ర కథ. 7 ఏళ్ల వ్యవధిలో 49 సార్లు ట్రాన్స్‌ఫర్ అయిన పవర్ ఫుల్ ఆఫీసర్ పాత్రలో అజయ్ దేవగన్ కనిపించబోతున్నారు.

రాజ్ కుమార్ గుప్తా

గతంలో అమీర్, నో వన్ కిల్డ్ జెస్సికా లాంటి చిత్రాలకు దర్శకత్వం వహించిన రాజ్ కుమార్ గుప్తా ఈ చిత్రానికి దర్శకత్వం వహిస్తున్నారు. ఓంకారా, దృశ్యం, ఎయిర్ లిఫ్ట్, బాబీ చిత్ర నిర్మాతలు ఈ సినిమాను ప్రొడ్యూస్ చేస్తున్నారు.

ఇలియానా

గతేడాది అజయ్ దేవగన్‌తో ‘బాద్ షా హో' చిత్రంలో నటించిన ఇలియానా... మరోసారి ఆయనకు జోడీగా ‘రైడ్' చిత్రంలో కనిపించబోతోంది. అజయ్-ఇలియానా మధ్య కెమిస్ట్రీ తెరపై మరింత రంజుగా చూపించబోతున్నారు.

విడుదల తేదీ ఖరారు

మార్చి 16వ తేదీన ‘రైడ్' చిత్రాన్ని విడుదల చేసేందుకు ప్లాన్ చేస్తున్నారు. పానోరమా స్టూడియోస్, టి-సిరీస్ సంస్థలు సంయుక్తంగా ఈ చిత్రాన్ని నిర్మిస్తున్నాయి.