24 గంటల్లోనే రికార్డు సృష్టించిన అజిత్.. అల్లు అర్జున్ రికార్డు గల్లంతు!

సౌత్ చిత్రాలు హిందీలో

సౌత్ చిత్రాలు నేరుగా హిందీలోకి అనువాదం అయి చాలా తక్కువగా విడుదలవుతుంటాయి. కానీ అన్ని చిత్రాలని హిందీలోకి డబ్ చేసి యూట్యూబ్ లోకి వదులుతుంటారు.

రికార్డు నెలకొల్పిన అజిత్ వివేగం

గత ఏడాది అజిత్ నటించిన వివేగం చిత్రం విడుదలై ఆశించిన స్థాయిలో విజయం సాధించేలేకపోయింది. అజిత్ చిత్రాలని ఎక్కువగా తెరకెక్కిస్తున్న శివ ఈ చిత్రానికి దర్శకుడు. తాజగా ఈ చిత్రాన్ని హిందీలోకి డబ్ చేసి యూట్యూబ్ లో వదిలారు. 24 గంటల్లోనే 8 మిలియన్ల వ్యూస్ సాధించిన ఈ చిత్రం సరికొత్త రికార్డు సృష్టించింది.

అల్లు అర్జున్ రికార్డు గల్లంతు

వివేగం చిత్రం హిందీలో డబ్ అయి 24 గంటల్లో అత్యధిక వ్యూస్ సాధించిన సౌత్ చిత్రంగా రికార్డు సాధించింది. ఈ క్రమంలో స్టైలిష్ స్టార్ అల్లు అర్జున్ రికార్డు బ్రేక్ అయింది. గతంలో ఈ రికార్డు బన్నీ సరైనోడు చిత్రం పేరిట ఉండేది. సరైనోడు చిత్రం 24 గంటల్లో 5 మిలియన్లకు పైగా వ్యూస్ సాధించింది.

దూసుకుపోతున్న బన్నీ చిత్రాలు

సరైనోడు హిందీ డబ్ చిత్రం ఇప్పటివరకు 180 మిలియన్ల వ్యూస్ సాధించింది. ఇక దువ్వడాజగన్నాథం చిత్రం 160 మిలియన్ల వరకు వ్యూస్ సాధించడం విశేషం.