Akhanda: ఇలా చేయండి బాలకృష్ణను కలవండి.. నందమూరి ఫ్యాన్స్‌కు ఊహించని ఆఫర్

‘అఖండ'గా బాలయ్య అరాచకం

నందమూరి బాలకృష్ణ హీరోగా బోయపాటి శ్రీను రూపొందించిన సినిమానే 'అఖండ'. ఎంతో ప్రతిష్టాత్మకంగా రూపొందిన ఈ మూవీని ద్వారకా క్రియేషన్స్ బ్యానర్‌పై మిర్యాల రవీందర్ రెడ్డి నిర్మించాడు. ఈ మూవీలో ప్రగ్యా జైస్వాల్ హీరోయిన్‌గా చేసింది. శ్రీకాంత్ నెగెటివ్ రోల్ చేశాడు. ఎస్ థమన్ ఈ సినిమాకు సంగీతం అందించాడు. ఇది భారీ విజయాన్ని సొంతం చేసుకుంది.

యాభై రోజుల ప్రస్థానంతో రికార్డ్స్

క్రేజీ కాంబినేషన్‌లో వచ్చిన 'అఖండ' మూవీ గురువారంతో యాభై రోజులు పూర్తి చేసుకుంది. అది కూడా ఏకంగా 103 సెంటర్లలో ఈ ఫీట్‌ను సాధించింది. తద్వారా ఈ మధ్య కాలంలో ఎక్కువ థియేటర్లలో యాభై రోజులు ఆడిన చిత్రంగా రికార్డు క్రియేట్ చేసింది. అలాగే, ఈ ప్రయాణంలో హీరో బాలయ్య ఎన్నో అదిరిపోయే రికార్డులను కూడా సొంతం చేసుకుని ఔరా అనిపించారు.

ఇప్పటి వరకూ వచ్చిన లాభాలిలా

బాలయ్య కెరీర్‌లోనే భారీ బడ్జెట్‌తో రూపొందిన 'అఖండ' మూవీకి అంచనాలకు అనుగుణంగానే ప్రపంచ వ్యాప్తంగా రూ. 53 కోట్లు మేర బిజినెస్ జరిగినట్లు ట్రేడ్ వర్గాలు తెలిపాయి. దీంతో బ్రేక్ ఈవెన్ టార్గెట్ రూ. 54 కోట్లుగా నమోదైంది. ఇక, ఈ సినిమా 50 రోజుల్లో ప్రపంచ వ్యాప్తంగా రూ. 74.58 కోట్లు వసూలు చేసింది. ఫలితంగా రూ. 20.58 కోట్లు లాభాలతో రికార్డు నమోదు చేసింది.

డిస్నీ ప్లస్ హాట్‌స్టార్‌లో స్ట్రీమింగ్

'సింహా', 'లెజెండ్' వంటి రెండు బ్లాక్ బస్టర్ హిట్ల తర్వాత నందమూరి బాలకృష్ణ, బోయపాటి శ్రీను కాంబినేషన్‌లో వచ్చిన చిత్రమే 'అఖండ'. ఎన్నో అంచనాలతో వచ్చి థియేటర్లలో సందడి చేసిన ఈ సినిమా డిజిటల్ స్ట్రీమింగ్ హక్కులను డిస్నీ ప్లస్ హాట్‌స్టార్ సంస్థ అత్యధిక ధరకు సొంతం చేసుకుంది. ఇప్పుడు అంటే జనవరి 21 నుంచి దీన్ని స్ట్రీమింగ్ చేస్తున్నారు.

బాలయ్య అభిమానులకు కానుక

జనవరి 21 అంటే ఈరోజు సాయంత్రం ఆరు గంటల నుంచి డిస్నీ ప్లస్ హాట్‌స్టార్‌లో 'అఖండ' మూవీ స్ట్రీమింగ్ కాబోతుంది. ఈ నేపథ్యంలో సదరు ఓటీటీ సంస్థ నందమూరి అభిమానుల కోసం బాలయ్యను కలుసుకునే అవకాశం కల్పిస్తోంది. దీనికి సంబంధించిన ప్రకటనను కొద్దిసేపటి క్రితమే విడుదల చేసింది. దీంతో ఫ్యాన్స్ అంతా ఎప్పుడు ఆరు అవుతుందా అని చూస్తున్నారు.

Recommended Video

Nandamuri Balakrishna With His Family At Pushpa Movie Special Screening | Filmibeat Telugu

ఇలా చేసి బాలయ్యను కలవండి

బాలయ్యను కలవాలనుకున్న వాళ్లు.. ఈరోజు సాయంత్రం ఆరు గంటల నుంచి 23వ తేదీ అర్ధరాత్రి వరకూ అఖండ మూవీని హాట్‌స్టార్‌లో చూడాలి. ఆ తర్వాత ఈ మూవీ గురించి ట్విట్టర్‌లో #AkhandaRoarOnHotstar అనే హ్యాష్ ట్యాగ్‌తో ట్వీట్ చేయాలి. అలా చేసిన వాళ్లలో 500 మందిని లక్కీ డ్రా ద్వారా సెలెక్ట్ చేస్తారు. వాళ్లందరినీ ఒకరోజు బాలయ్య దగ్గరకు తీసుకెళ్తారు.