Don't Miss!
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- News వల్లభనేని వంశీకి షాకిచ్చేలా యార్లగడ్డతో చంద్రబాబు వ్యూహం!!
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
- Finance Medicines News: కిరాణా కొట్టులో మందుల విక్రయం.. మోదీ సర్కార్ సంచలన నిర్ణయం..!!
- Lifestyle ప్రాణాలకు ముప్పు ఉందని తెలిపే హీట్ స్ట్రోక్ లక్షణాలు
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
అఖిల్ అక్కినేని, గీతా ఆర్ట్స్2 మూవీ మొదలైంది!
అక్కినేని స్టార్ అఖిల్ హీరోగా కొత్త సినిమా ప్రారంభమైంది. బొమ్మరిల్లు భాస్కర్ దర్శకత్వం వహిస్తున్న ఈ చిత్రం ప్రారంభోత్సవ కార్యక్రమం హైదరాబాద్లో శుక్రవారం గ్రాండ్గా జరిగింది. అల్లు అరవింద్ సమర్పణలో గీతా ఆర్ట్స్ 2 పతాకంపై బన్నీవాసు, వాసు వర్మ నిర్మించబోతున్నారు.
సినిమా ప్రారంభోత్సవ వేడుకలో అల్లు వారి పిల్లలు సందడి చేశారు. వారి చేతుల మీదుగానే మూహూర్తపు సన్ని వేశానికి క్లాప్ కొటించారు. అల్లు అర్జున్ తనయుడు అయాన్ కెమెరా స్విచాన్ చేశారు. ఈ వేడుకలో నాగార్జున, అమల కూడా పాల్గొన్నారు.
భాస్కర్ సినిమా అంటేనే లవ్ స్టోరీ మెయిన్ కాన్సెప్టుగా ఉంటుంది. అఖిల్ను గత సినిమాలకు భిన్నంగా ఒక క్యూట్ లవ్ స్టోరీతో ఈ చిత్రంలో ప్రజెంట్ చేయబోతున్నాడట. ఈ చిత్రంలో రష్మిక మందన్న హీరోయిన్గా ఎంపికైనట్లు ప్రచారం జరుగుతోంది. అయితే ప్రారంభోత్సవ కార్యక్రమంలో ఆమె కనిపించ లేదు. ఈ విషయమై చిత్ర బృందం నుంచి క్లారిటీ రావాల్సి ఉంది.
ఈ చిత్రానికి గోపీసుందర్ సంగీతం అందిస్తున్నారు. వి మణికందన్ సినిమాటోగ్రఫీ సమకూరుస్తున్నారు. ఇతర నటీనటులు, టెక్నీషియన్ల వివరాలు త్వరలో వెుల్లడించనున్నారు. అక్కినేని ఫ్యామిలీ హీరో మరో స్టార్ ఫ్యామిలీ సినిమాలో నటిస్తుండటంతో ఈ ప్రాజెక్టుపై అందరిలో ఆసక్తి నెలకొంది.
అక్కినేని చిన్నోడు అఖిల్ ఇండస్ట్రీకి వచ్చి నాలుగేళ్లయింది. ఇప్పటి వరకు మూడు సినిమాలు చేశాడు. ఇపుడు మొదలైన చిత్రం అతడి కెరీర్లో నాలుగోది. మొదటి చిత్రం 'అఖిల్' దారుణమైన పరాజయం పాలైన సంగతి తెలిసిందే. ఆ తర్వాత చేసిన 'హలో', 'మిస్టర్ మజ్ను' చిత్రాల్లో నటించారు.