Akhil Akkineni: అక్కడ నాగార్జున కొడుకు అనరు.. అమల కొడుకనే అంటారు.. అఖిల్​ ఆసక్తిర వ్యాఖ్యలు

రాని గుర్తింపు..

సిసీంద్రిగా తెలుగు ప్రేక్షకులను ఆకట్టుకున్న అక్కినేని అఖిల్.. హీరోగా మాత్రం అంతగా గుర్తింపు పొందలేకపోయాడు. కానీ ఇటీవల వచ్చిన మోస్ట్ ఎలిజబుల్​ బ్యాచ్​లర్​ మూవీతో ఫస్ట్ టైమ్​ హిట్​ ట్రాక్​లో పడ్డాడు. ఇక ఈ చిత్రంలో అఖిల్​ సరసన హీరోయిన్​గా బుట్టబొమ్మ పూజా హెగ్డే నటించిన విషయం తెలిసిందే. ప్రస్తుతం సురేందర్ రెడ్డి దర్శకత్వంలో ఏజెంట్​గా రానున్నాడు అఖిల్.

టైమ్ ట్రావెల్ చిత్రం..

ఇదిలా ఉంటే యంగ్ హీరో శర్వానంద్​ హీరోగా తెరకెక్కిన చిత్రం ఒకే ఒక జీవితం. టైమ్​ ట్రావెలింగ్ కాన్సెప్ట్​తో వచ్చిన ఈ మూవీలో అక్కినేని అమల కూడా నటిస్తున్న విషయం తెలిసిందే. శ్రీ కార్తిక్ దర్శకత్వం వహించిన ఈ సినిమాలో శర్వానంద్​కు తల్లిగా అమల నటించారు. ఇక ఇటీవల విడుదలైన ఈ ట్రైలర్​ ప్రేక్షకులను ఎంతగానో ఆకట్టుకోవడమే కాకుండా ఆసక్తి రేకేత్తించేలా ఉంది.

జోరుగా ప్రమోషన్స్..

శర్వానంద్​ 30వ సినిమాగా వస్తున్న ఈ చిత్రంపై భారీ అంచనాలనే నెలకొన్నాయి. ఈ చిత్రం సెప్టెంబర్​ 9న విడుదలకు సిద్ధంగా ఉంది. ఈ నేపథ్యంలో మూవీ ప్రమోషన్స్​లో జోరు పెంచింది చిత్రబృందం. ఇందులో భాగంగానే తాజాగా 'అమ్మచేతి' వంట అనే చిట్​చాట్​ను రూపొందించారు. ఇందులో అమల, శర్వానంద్​తోపాటు అఖిల్​ కూడా పాల్గొన్నాడు. ఇందులోనే అఖిల్​ పలు ఆసక్తికర విషయాలు పంచుకున్నాడు.

ప్రభాస్ వదిలిపెట్టడు..

'చెన్నైకు వెళ్తే నన్ను నాగార్జున కొడుకు అనరు. అమల కొడుకనే అంటారు. అక్కడికి వెళ్తే అంతా అమ్మ గురించే అడుగుతారు. నాకు, నాన్నకు మధ్య ఫైటింగ్ వస్తే మా అమ్మే ఆపుతుంది' అని తెలిపాడు అఖిల్. అలాగే ప్రభాస్​ గురించి చెబుతూ 'ఎవరైనా ప్రభాస్​ను కలిస్తే జాగ్రత్తగా ఉండాలి. ప్రభాస్​ ఫూడీ. ఇక చాలు తినలేను అని చెప్పినా ప్రభాస్​ వదిలిపెట్టడు' అని చెప్పుకొచ్చాడు అక్కినేని అఖిల్.

మనసుకు హత్తుకుంది..

ఇక ఒకే ఒక జీవితం విషయానికొస్తే.. ఈ చిత్రంలో రీతూ వర్మ హీరోయిన్​గా నటిస్తోంది. ఈ కథ తన మనసుకు హత్తుకుందని అక్కినేని అమల తెలిపారు. శర్వానంద్​ తనకు మూడో కొడుకుగా మారాడాని పేర్కొన్నారు. ఈ చిత్రాన్ని డ్రీమ్ వారియల్​ పిక్చర్స్​ పతాకంపై ఎస్​ఆర్​ ప్రభు, ఎస్ఆర్​ ప్రకాష్​ బాబు సంయుక్తంగా నిర్మించారు. జేక్స్ బిజోయ్​ సంగీతం అందించారు.