ప్రభాస్‌తో మందేస్తే.. ఆ కిక్కే వేరంటా!, వాళ్లిద్దరిని మాత్రం భరించలేరట: అఖిల్ 'పార్టీ' కహానీ..

పార్టీ చేసుకుంటే:

తన తాజా ఇంటర్వ్యూలో మందు పార్టీల గురించి స్పందించాడు అఖిల్. రానాతో కలిసి పార్టీ చేసుకుంటే.. ఆ పార్టీలో ఇంకెవరు ఉండాలని కోరుకుంటారన్న ప్రశ్నకు.. మరో మాట లేకుండా 'ప్రభాస్' అని చెప్పేశాడు అఖిల్.

ప్రభాస్ ఉంటే.. ఆ కిక్కే వేరు:

తానెప్పుడు పార్టీ ప్లాన్ చేసినా అక్కడ రానా ఉండాల్సిందే అన్నాడు అఖిల్. తనకు అలా అలవాటైపోయిందన్నాడు. తామిద్దరం కలిసి సిట్టింగ్ వేస్తే.. ఎక్కువగా మాట్లాడుకునేది ప్రభాస్ గురించే అని చెప్పాడు. పార్టీలో ప్రభాస్ ఉంటే ఆ కిక్కే వేరు అన్న తరహాలో అఖిల్ బదులిచ్చాడు.

కచ్చితంగా చరణ్‌కు కాల్ :

తనకు, రానాకు రాంచరణ్ చాలా క్లోజ్ ఫ్రెండ్ అని అఖిల్ చెప్పాడు. పార్టీ ఉందంటే చరణ్‌కు కచ్చితంగా కాల్ చేస్తానని అన్నారు. పార్టీలో తామంతా కూల్‌గా ఎంజాయ్ చేస్తామని చెప్పుకొచ్చాడు.

వాళ్లను భరించలేం:

తమ గ్యాంగ్ లోకి మంచు మనోజ్, సాయిధరమ్ తేజ్ చేరారంటే మాత్రం రచ్చ రచ్చే అంటున్నాడు అఖిల్. వాళ్లిద్దరూ చేసే అల్లరిని భరించడం తమవల్ల కాదన్నాడు. 'హలో' సినిమా ప్రమోషన్లలో భాగంగా అఖిల్ మీడియాతో ఈ విషయాలు పంచుకున్నాడు. హలో సినిమా డిసెంబర్ 22న ప్రేక్షకుల ముందుకు రానుంది.