పీవీ సింధుకి నాగార్జున బహుమతి.. చాలా కాస్ట్లీ గురూ!

పీవీ సింధు ప్రతిభకు గుర్తింపుగా..

ఈ నేపథ్యంలో ఆమె ప్రతిభకు గుర్తింపుగా ఓ విలువైన బహుమతిని అందించారు హీరో నాగార్జున. క్రీడల్లో ప్రతిభ చూపుతున్న అథ్లెట్స్‌కి గత కొంతకాలంగా చాముండేశ్వరినాథ్ విలువైన కార్లని బహూకరిస్తున్న విషయం తెలిసిందే. కార్పొరేట్ సంస్థలు, కొద్ది మంది స్నేహితులతో కలిసి అతను ఈ విధంగా క్రీడాకారుల్ని ప్రోత్సహిస్తున్నారు.

నాగార్జున చేతుల మీదుగా

ఈ మేరకు ఈ రోజు (సెప్టెంబర్ 14) అన్నపూర్ణ స్టూడియోస్ లో జరిగిన కార్యక్రమంలో బీఎండబ్ల్యూ కారును అందజేశారు. నాగార్జున చేతుల మీదుగా ఈ కారు బహుకరించబడటం విశేషం. చాముండేశ్వరినాథ్ ఇప్పటి వరకూ ప్రతిభ కనర్చిన క్రీడాకారులకు 22 కార్లని అథ్లెట్స్‌కి బహూకరించగా.. ఇందులో ఏకంగా 4కార్లు పీవీ సింధుకే దక్కడం మరో విశేషం.

పీవీ సింధుపై ప్రశంసల వర్షం

ఈ సందర్భంగా నాగార్జున కాసేపు మీడియాతో మాట్లాడిన నాగార్జున పీవీ సింధుపై ప్రశంసల వర్షం కురిపించారు. తాను పీవీ సింధుకి పెద్ద అభిమానని తెలిపారు. ఆమె తనకు వ్యక్తిగతంగా తెలుసని, ఈ విషయం చెప్పడానికి గర్వపడుతున్నానని ఆయన అన్నారు.

కోచ్ గోపీచంద్‌కి అభినందనలు

దేశానికి ఛాంపియన్లని అందిస్తున్న కోచ్ గోపీచంద్‌కి అభినందనలు అని పేర్కొన్నారు నాగార్జున. సింధు తల్లిదండ్రులు (పీవీ రమణ, విజయ) దేశానికి ఓ అద్భుతమైన ఛాంపియన్‌ని అందించారని ఆయన అన్నారు. ఇక తన ప్రతిభను గుర్తిస్తూ ఈ కారును బహుకరించడం పట్ల తన ఆనందం వ్యక్తం చేసింది పీవీ సింధు.

మరికొద్ది రోజుల్లో బయోపిక్

మరోవైపు తెలుగు తేజం పీవీ సింధు బయోపిక్ రూపొందించేందుకు పనులు వేగవంతం చేశారని తెలుస్తోంది. ఈ బయోపిక్‌లో సమంత గానీ, దీపికా పదుకొనె గానీ లీడ్ రోల్ పోషిస్తుందని టాక్ నడుస్తోంది. మరికొద్ది రోజుల్లోనే దీనిపై అఫీషియల్ సమాచారం రానుందని తెలుస్తోంది.