అక్కినేని భౌతిక ఖాయం తరలిస్తూ నాగార్జున...(ఫోటోలు)

By Bojja Kumar

Published: Wednesday, January 22, 2014, 13:32 [IST]

హైదరాబాద్: తెలుగు సినిమా లెజెండ్, దాదా పాల్కే అవార్డు గ్రహీత, నట సామ్రాట్ అక్కినేని నాగేశ్వరరావు మంగళవారం అర్ధరాత్రి దాటాక మరణించిన సంగతి తెలిసిందే. తీవ్ర అస్వస్థతకు గురైన ఆయన్ను కేర్ ఆసుపత్రికి తరలించినా లాభం లేక పోయింది. ఆయన మరణవార్త విని తెలుగు సినీ పరిశ్రమ ఒక్కసారిగా షాక్‌కు గురైంది.

మంగళవారం అర్ధరాత్రి దాటాక ఆయన వూపిరి తీసుకోవడానికి ఇబ్బంది పడుతుండటంతో కుటుంబ సభ్యులు 2.45 గంటల సమయంలో బంజారాహిల్స్‌లోని కేర్‌ ఆస్పత్రికి తీసుకువచ్చారు. వెంటనే వైద్యులు ఎమర్జెన్సీకి తరలించి ఆక్సిజన్‌ పెట్టారు. తరువాత పదినిమిషాలకే ఆసుపత్రికి వచ్చిన డా.సోమరాజు వైద్యుల బృందంతో కలసి పరిశీలించారు. అయితే అప్పటికే అక్కినేని శ్వాస ఆగిపోవటంతో ఆయన చనిపోయినట్లు కుటుంబసభ్యులకు తెలిపారు.

దీంతో కుటుంబ సభ్యుల విషాదంలో మునిగిపోయారు. అనంతరం అక్కినేని మృత దేహాన్ని ఆసుపత్రి నుండి అన్నపూర్ణ స్టూడియోకు తరలించారు. అభిమానుల సందర్శనార్థం ఏర్పాట్లు చేసారు. అందుకు సంబంధించిన దృశ్యాలు స్లైడ్ షోలో....